Suresh Kondeti: సురేష్ కొండేటిని ప్రెస్ మీట్లకు బ్యాన్ చేశారని ప్రచారం.. నిజమేనా..?

దిశ,వెబ్ డెస్క్: ప్రముఖ సినిమా జర్నలిస్టు, ‘సంతోషం’ మ్యాగజైన్ యజమాని సురేష్ కొండేటి మనందరికీ తెలుసు. మూవీ ప్రమోషన్స్ మీటింగ్లో పిచ్చి పిచ్చి ప్రశ్నలు అడిగి సెలబ్రిటీలను ఇబ్బంది పెడుతుంటాడు. కొంత మంది ఇతను ఎక్కడా ప్రశ్నలు అడుగుతాడా అని ప్రమోషన్స్ కి కూడా రాకుండా ఉంటారు. మరి కొందరు అతని ప్రశ్నలకు కౌంటర్ వేస్తూ సమాధానాలు చెబుతారు. ఈ మధ్య కాలంలో సురేష్ కొండేటి మీద ఓ వార్త సోషల్ మీడియాలో హల్చల్ చేస్తుంది. అదేంటో ఇక్కడ తెలుసుకుందాం..

ప్రెస్ మీట్లలో ఆయన్ను బ్యాన్ చేసారంటూ ఒక వార్త బయటికి వచ్చింది. ఈ మేరకు తెలుగు ఫిల్మ్ జర్నలిస్ట్ అసోసియేషన్ నిర్ణయం తీసుకుందని సోషల్ మీడియాలో ఓ వార్త వైరల్ అవుతుంది. అయితే, అదంతా అసత్య ప్రచారమని .. ఈ విషయాన్ని సురేష్ కొండేటి కొట్టి పారేసి తన సోషల్ మీడియా ద్వారా క్లారిటీ ఇచ్చాడు. తనపై జరుగుతున్న అసత్య ప్రచారంపై ఆయన ఎక్స్ ద్వారా స్పందించారు. ‘నన్ను తెలుగు సినీ ప్రెస్ మీట్స్‌కు హాజరుకాకుండా బ్యాన్ చేసారంటూ కొందరు తప్పుడు వార్తలు సృష్టించారు. నన్ను ఎవరూ బ్యాన్ చేయలేదు, ప్రస్తుతం తీర్ధ యాత్రలో ఉన్నాను. మళ్ళీ హ్యాపీగా ప్రెస్ మీట్స్‌కి వస్తా. 31 ఏళ్ల నుంచి జర్నలిస్టుగా ఉన్నా ఇక ముందూ ఉంటా’ అని సురేష్ కొండేటి వెల్లడించారు.