‘పుష్ప-2’ సినిమాలో ఆ హీరోకి భార్యగా నటిస్తున్న ప్రియమణి.. క్లారిటీ ఇచ్చిన నటి
దిశ, వెబ్‌డెస్క్: టాలీవుడ్ స్టార్ హీరోయిన్ ప్రియమణి ఇటీవల వరుస చిత్రాల్లో నటిస్తూ ఫుల్ బిజీగా ఉంది. ఈ ఏడాది నాగచైతన్య నటించిన కస్టడీ మూవీలో ప్రియమణి నటించింది. ఇప్పుడు షారుఖ్ ఖాన్ జవాన్ చిత్రంతో ప్రేక్షకులను అలరిస్తోంది. అయితే సుకుమార్ దర్శకత్వం వహిస్తున్న పుష్ప-2 మూవీలో ప్రియమణి నటిస్తున్నట్లు కొద్ది రోజుల నుంచి వార్తలు వస్తున్నాయి. అంతేకాకుండా ఈ చిత్రంలో విజయ్ సేతుపతి ప్రధాన పాత్రలో నటిస్తున్నారని.. ఆయనకు భార్యగా ప్రియమణి నటిస్తుందని రూమర్స్ వచ్చిన సంగతి తెలిసిందే.
తాజాగా, ఇలాంటి వార్తలపై ఈ అమ్మడు స్పందించింది. ‘‘ నాపై వస్తున్న వార్తలను చూసి ఆశ్చర్యానికి గురయ్యాను. పుష్ప-2 లో నటించట్లేదు. నాపై వస్తున్న పుకార్లు చూసి వెంటనే నా మేనేజర్‌కు ఫోన్ చేశాను. అయితే అందులో నటించే అవకాశం వస్తే అల్లు అర్జున్‌తో నటిస్తాను’’ అంటూ చెప్పుకొచ్చింది. ప్రస్తుతం ప్రియమణి చేసిన కామెంట్స్ నెట్టింట వైరల్‌గా మారాయి.
