నా ఉద్దేశం అది కాదు.. విపరీతార్ధాలు తీయవద్దని ఎన్టీఆర్ ఫ్యాన్స్‌కు మనవి: రామజోగయ్య శాస్త్రీ

దిశ, సినిమా: ప్రముఖ లిరిసిస్ట్ రామజోగయ్య శాస్త్రీ జూనియర్ ఎన్టీఆర్, కొరటాల శివ కాంబోలో వచ్చిన దేవర మూవీకి వర్క్ చేశారు. అయితే ఈ సినిమా సెప్టెంబర్ 27న విడుదలై బ్లాక్ బస్టర్ హిట్ టాక్‌ను సోంతం చేసుకుంది. ఈ క్రమంలోనే ఆయన పలు కామెంట్స్ చేసి చిక్కుల్లో పడ్డారు. దేవరకు సంబంధించిన ఈవెంట్‌లో రామ జోగయ్య శాస్త్రీ మాట్లాడుతూ.. ఎవరి పని వారిని చేయనిస్తే.. సక్సెస్ ఇలానే వస్తుంది’’ అని చెప్పుకొచ్చారు.

అయితే ఈ విషయం తెలుసుకున్న ఎన్టీఆర్ అభిమానులు విమర్శలు చేస్తున్నారు. ఈ క్రమంలో.. తాజాగా, ఆయన X వేదికగా తారక్ అభిమానులకు రిక్వెస్టింగ్ పోస్ట్ పెట్టారు. ‘‘ఓరి నాయనో ఇది ఎటో దారితీస్తోన్నట్టుంది. నా ఉద్దేశం శివ తన టెక్నీషియన్స్‌కి స్వేచ్ఛనిస్తారని అన్నాను. అంతే తప్ప మరొకటి కాదు. విపరీతార్ధాలు తీయవద్దని అభిమానులకు మనవి’’ అని రాసుకొచ్చారు.