మెగా ఫ్యామిలీకి ఆమె లక్కీ హీరోయిన్!
దిశ, సినిమా: టాలీవుడ్ స్టార్ హీరోయిన్ శృతిహాసన్ వరుస చిత్రాలతో మంచి ఫామ్‌లో ఉంది. ముఖ్యంగా పెద్ద హీరోల సరసన నటిస్తూ హిట్ చిత్రాన్ని తన ఖాతాలో వేసుకుని దూసుకుపోతుంది. ఇక రీసెంట్‌గా సంక్రాంతి కానుకగా వచ్చిన బాలయ్య 'వీర సింహారెడ్డి'. మెగాస్టార్ చిరంజీవి 'వాల్తేరు వీరయ్య' సినిమాలతో సూపర్ హిట్ అందుకుంది.
ఇదిలావుంటే శ్రుతి హాసన్‌ని ఇప్పుడు మెగా అభిమానులు తెగ పొగిడేస్తున్నారు. దానికి కారణం ఏమిటంటే.. శ్రుతిహాసన్ ఇప్పుడు మెగా ఫ్యామిలీకి లక్కీ హీరోయిన్‌గా మారిపోయింది. వరుసగా మెగా ఫ్యామిలీ హీరోల సినిమాలు చేస్తూ సూపర్ హిట్ అందుకుంది. ముందుగా పవన్‌తో కలిసి నటించిన 'గబ్బర్ సింగ్' సినిమా ఎంత పెద్ద హిట్ అయిందో ప్రత్యేకంగా చెప్పనక్కర్లేదు. దీని తర్వాత రామ్ చరణ్‌తో కలిసి 'ఎవడు' సినిమాలో నటించి సూపర్ హిట్‌గా నిలిచింది.
ఆ తర్వాత అల్లు అర్జున్‌తో నటించిన 'రేసు గుర్రం' సినిమా కూడా భారీ విజయాన్ని అందుకుంది. ఇక ఇప్పుడు మెగాస్టార్‌తో నటించిన 'వాల్తేరు వీరయ్య' కూడా మంచి విజయం అందుకోవడంతో శ్రుతి మెగా ఫ్యామిలీ లక్కీ హీరోయిన్‌గా మారిపోయింది.
