Sharwanand: శర్వానంద్ 37వ సినిమా అప్డేట్.. క్యూరియాసిటీని పెంచుతున్న హీరోయిన్ ఫస్ట్ లుక్ పోస్టర్
దిశ, సినిమా: టాలీవుడ్ యంగ్ హీరో శర్వానంద్ కొద్ది కాలం పాటు సినిమాలకు దూరంగా ఉన్న సంగతి తెలిసిందే. మళ్లీ 2022 లో ‘ఒకే ఒక జీవితం’ చిత్రంతో రీఎంట్రీ ఇచ్చి అప్పటి నుంచి వరుస సినిమాలతో దూసుకుపోతున్నాడు. ఇటీవల శర్వానంద్, కృతి శెట్టి కాంబోలో వచ్చిన ‘మనమే’ మూవీ విడుదలై మిక్స్‌డ్ టాక్‌ను సొంతం చేసుకున్న విషయం తెలిసిందే. ఆ తర్వాత నుంచి శర్వానంద్, బ్యాక్ టు బ్యాక్ సినిమాలతో దూసుకుపోతున్నాడు. ప్రజెంట్ ఆయన సామజవరగమన ఫేం రామ్ అబ్బరాజు డైరెక్షన్‌లో ఓ మూవీ చేస్తున్నాడు.
ఈ సినిమా శర్వా 37వ చిత్రంగా తెరకెక్కుతోంది. దీనిని ఏకే ఎంటర్‌టైన్‌మెంట్స్ బ్యానర్‌పై అనిల్ సుంకర నిర్మిస్తున్నాడు. ఇందులో సంయుక్తా మీనన్, సాక్షి వైద్య హీరోయిన్లుగా నటిస్తున్నారు. తాజాగా, సంయుక్తా మీనన్ పుట్టినరోజు కావడంతో మేకర్స్ శుభాకాంక్షలు తెలుపుతూ ఆమె ఫస్ట్ లుక్ పోస్టర్‌ను ట్విట్టర్ వేదికగా షేర్ చేశారు. అందులో సంప్రదాయ లుక్‌తో నృత్య భంగిమలో సంయుక్తా రెండు చేతుల్లో దీపాంతాలు పట్టుకుని ఉన్న స్టిల్ మూవీపై క్యూరియాసిటీని పెంచుతోంది. అయితే ఇందులో ఈ అమ్మడు దియా పాత్రలో నటిస్తున్నట్లు మేకర్స్ వెల్లడించారు. కాగా.. శర్వానంద్ 36వ సినిమాను అభిలాష్ రెడ్డి తెరకెక్కిస్తుండగా.. ఇందులో మాళవిక నాయర్ హీరోయిన్‌గా నటిస్తోంది. ఈ చిత్రానికి సంబంధించిన అధికారిక ప్రకటన కూడా విడుదలైంది.
