వివాదంలో 'Pathan'.. షారూక్, దీపికల దిష్టిబొమ్మల దగ్ధం..
దిశ, వెబ్‌డెస్క్: బాలీవుడ్ స్టార్ షారూక్ ఖాన్, దీపికా పదుకొణే జంటగా వస్తున్న సినిమా 'పఠాన్'. ఆనంద్ సిద్దార్థ్ డైరెక్షన్‌లో తెరకెక్కుతున్న ఈ సినిమాకు వరుస షాక్‌లు ఎదురవుతున్నాయి. ఈ మూవీ నుంచి విడుదలైన ''బేషరమ్ రంగ్'' సాంగ్‌పై భారీ ఎత్తున వివాదాలు చుట్టుముట్టాయి.
ఈ సినిమాపై నిషేధం విధించాలని తాజాగా మధ్యప్రదేశ్ మంత్రి నరోత్తం మిశ్రా కోరారన్న విషయం తెలిసిందే. ఇదిలా ఉంటే.. బుధవారం రాత్రి వీర్ శివాజీ గ్రూప్ కార్యకర్తలు మధ్యప్రదేశ్‌లోని ఇండోర్‌లో 'పఠాన్' సినిమాలోని 'బేషరమ్ రంగ్' పాటకు వ్యతిరేకంగా నిరసన చేపట్టారు. ఈ క్రమంలో రోడ్డుపై షారూక్, దీపికల దిష్టిబొమ్మలను దహనం చేశారు. ఈ పాటలోని కంటెంట్ హిందూ సమాజాన్ని కించపరిచేలా ఉందని ఆరోపిస్తూ సినిమాపై నిషేధం విధించాలంటూ డిమాండ్ చేశారు. కాగా.. ఈ సినిమా వచ్చే ఏడాది జనవరి-25న అభిమానుల ముందుకు వచ్చేందుకు సిద్ధంగా ఉంది.
Also Read..
Eesha Rebba: బిగువైన అందాల‌తో మొత్తం కనిపించేలా కేక పెట్టిస్తోన్న ఈషా రెబ్బా
