ఎట్టకేలకు క్రేజీ ఆఫర్ కొట్టేసిన సమంత.. షారుఖ్ ఖాన్ సరసన నటించే చాన్స్!
దిశ, సినిమా: టాలీవుడ్ స్టార్ హీరోయిన్ సమంత ఏడాదిన్నర నుంచి సినిమాలకు దూరమై సైలెంట్ అయిపోయింది. మయోసైటీస్ కారణంగా ఇండస్ట్రీకి దూరమైన ఆమె వ్యాధి తగ్గినప్పటికీ హెల్త్ పాడ్ కాస్ట్ స్టార్ చేసింది. కానీ ఏ సినిమాలు చేయకుండా.. ఇంట్లోనే ఉంటూ ఆరోగ్యానికి సంబంధించిన విషయాలు చెప్తుంది. అలాగే సోషల్ మీడియాలోనూ పలు పోస్టులు షేర్ చేస్తూ వార్తల్లో నిలుస్తోంది. అప్పుడప్పుడూ గ్లామర్ ట్రీట్ ఇస్తూ అందరిని ఆశ్చర్యానికి గురి చేస్తోంది. అయితే సమంత మా ఇంటి బంగారం మూవీ చేస్తున్న ఆమెకు.. ఇప్పుడు మరో మూవీ ఆఫర్‌ను ఓకే చేసినట్లు సమాచారం.
బాలీవుడ్ స్టార్ హీరో షారుఖ్ ఖాన్ సరసన నటించేందుకు రెడీ అయిందట. దీనికి బ్లాక్ బస్టర్ మూవీ డుంకీ డైరెక్టర్ రాజ్ కుమార్ హిరానీ తెరకెక్కిస్తున్నాడు. అయితే దీనికి సంబంధించిన అధికారిక ప్రకటన కూడా ఆగస్టు 15న విడుదల కానున్నట్లు వార్తలు వైరల్ అవుతున్నాయి. దీంతో సామ్ ఫ్యాన్స్ ఫుల్ ఖుషీ అవుతున్నారు. బాలీవుడ్ బాద్ షా‌కు జంటగా నటించడంతో అంతా ఈ ప్రాజెక్ట్ నుంచి అధికారిక ప్రకటన ఎప్పుడెప్పుడు వస్తుందా అని ఎదురు చూస్తున్నారు. కాగా, సమంత మలయాళ సూపర్ స్టార్ మమ్ముట్టి సినిమాలో సామ్ చాన్స్ కొట్టేసినట్లు తెలుస్తోంది. వీరిద్దరి కాంబోలో ఓ మూవీ తెరకెక్కబోతున్న ట్లు ఇండస్ట్రీలో టాక్. కానీ దీనికి సంబంధించిన అధికారిక ప్రకటన విడుదల కాలేదు.
