నాగచైతన్య సీక్వెల్ సినిమాలో చాన్స్ కొట్టేసిన సమంత.. ఏ మూవీలో తెలుసా?
దిశ, సినిమా: టాలీవుడ్ బ్యూటిఫుల్ హీరోయిన్ సమంత అండ్ అక్కినేని హీరో గురించి సుపరిచితమే. వీరిద్దరు ‘ఏం మాయ చేశావే’ సినిమాలో కలిసి నటించిన సమయంలో ప్రేమలో పడ్డారు. దాదాపు ఐదారేళ్లు ప్రేమలో ఉండి.. తర్వాత ఇరు కుటుంబీకుల సమక్షంలో అంగరంగ వైభవంగా వివాహం చేసుకున్నారు.
వివాహనంతరం సామ్ సినిమాలకు దూరమవ్వనుందని సోషల్ మీడియాలో జోరుగా ప్రచారం జరిగింది. కానీ ఈ అమ్మడు ఫ్యాన్స్‌కు ఊహించని రేంజ్‌లో ‘ఊ అంటావా మావా ఊఊ అంటావా మావా’ అనే ఐటెం సాంగ్ కు స్టెప్పులేసి అక్కినేని అభిమానుల్లో అండ్ అక్కినేని ఫ్యామిలిలో కాస్త చెడ్డ పేరు తెచ్చుకుందని.. ఈ కారణంగానే సమంత.. నాగచైతన్యతో దూరం అయ్యిందని నెట్టింట టాక్ వినిపించింది.
పలు కారణాల వల్ల పెళ్లైన నాలుగేళ్లకే డివోర్స్ తీసుకున్న నాగచైతన్య-సమంత ప్రస్తుతం ఎవరి లైఫ్‌లో వారు బిజీ అయిపోయారు. తాజాగా సామ్-చై మరోసారి వార్తల్లో నిలిచారు. నాగచైతన్య నటించిన దూత సినిమాకు సీక్వెల్ రాబోతుందని ఎప్పటినుంచో ప్రచారం జరుగుతోంది. అయితే ఇందులో సమంతను తీసుకుంటే ఈ మూవీ బ్లాక్ బస్టర్ హిట్ అయ్యే అవకాశాలున్నాయని దర్శకుడు సామ్‌ను ఒప్పించాడట.
ఈ వార్త ఎంతవరకు నిజమో తెలియదు కానీ ప్రస్తుతం సోషల్ మీడియాలో తెగ వైరల్ అవుతోంది. నిజంగా వీరిద్దరు కలిస్తే చూడాలని ఉంది, ఈ మూవీతోనైన సమంత- నాగచైతన్య కలిసే చాన్స్ ఉంది, ఒకరంటే ఒకరికి చాలా ఇష్టం ఉంది.. చైతన్య పేరు తీస్తే చాలు సామ్ కళ్లలో నీళ్లు తిరుగుతాయంటూ ఫ్యాన్స్ నెట్టింట కామెంట్లు పెడుతున్నారు.
