సౌత్‌లో టాప్ వన్‌ స్టార్‌గా సమంత.. ప్రభాస్, రామ్ చరణ్ ఎన్నో స్థానాల్లో ఉన్నారంటే?
దిశ, సినిమా: IMDB అనే సంస్థ తమ ప్రకటనతో అందరి ఆనందానికి కారణమైంది. గత పదేళ్లలో జనవరి 2014 నుండి ఏప్రిల్ 2024 వరకు తమ సైట్‌లో ఎక్కువ మంది ఇండియాలోని ఏ స్టార్ కోసం సెర్చ్ చేశారో లిస్ట్ రిలీజ్ చేశారు. 100 మందిలో.. ఎక్కువ సెర్చ్ చేసిన హీరోయిన్‌గా బాలీవుడ్ స్టార్ హీరోయిన్ దీపికా పదుకొణె ఫస్ట్ ప్లేస్‌లో నిలిచింది.
రెండు, మూడు స్థానాలను షారుఖ్ ఖాన్, ఐశ్వర్య రాయ్ సొంతం చేసుకున్నారు. అలాగే టాలీవుడ్ స్టార్స్‌లో మొదటి స్థానంను సమంత దక్కించుకుంది. ప్రస్తుతం సినిమాలు చేయనప్పటికీ 13 స్థానంలో నిలిచింది. అలాగే రెండో ప్లేస్‌లో తమన్నా భాటియా, మూడో ప్లేస్‌లో పాన్ ఇండియా స్టార్ ప్రభాస్ 29వ స్థానంలో ఉన్నారు.
ఇక రామ్ చరణ్ 31, అల్లు అర్జున్ 47, ఎన్టీఆర్ 67, మహేష్ 72, రష్మిక 76, స్థానాల్లో ఉన్నారు. ప్రస్తుతం దీనికి సంబంధించిన పోస్టర్ నెట్టింట వైరల్ అవుతోంది. అయితే సమంత సినిమాలు చేయనప్పటికీ టాలీవుడ్ నుంచి మొదటి స్థానం దక్కించుకోవడం తో ఫ్యాన్స్ ఫుల్ ఖుష్ అవుతున్నారు. అలాగే సమంత రేంజ్ అది అని అంటున్నారు.
