RRR Movie: దానయ్యను ‘ఆర్ఆర్ఆర్’ టీమ్ పట్టించుకోవట్లేదా?
దిశ, సినిమా: ‘ఆర్ఆర్ఆర్’ నిర్మాత డి.వి.వి. దానయ్య తమ సినిమాకు ఆస్కార్ అవార్డు లభించడంపై స్పందించాడు. మూవీ టీమ్ వేడుకల్లో ఆయన ఎక్కడా కనిపించకపోవడం చర్చనీయాంశమైంది. అయితే తాజా ఇంటర్వ్యూలో దీనిపై మాట్లాడిన నిర్మాత ‘RRR’ ఆస్కార్‌ను కైవసం చేసుకున్న సందర్భంగా రాజమౌళి, తారక్, చరణ్‌లకు మీరు ఏం చెప్పాలనుకుంటున్నారు? అని విలేఖరి ప్రశ్నించారు. దీంతో ‘నిజం చెప్పాలంటే.. నేను మూవీ టీమ్‌లో ఎవరితోనూ టచ్‌లో లేను. నేను నిర్మించిన సినిమాలోని పాటకు ఆస్కార్ అవార్డు రావడం సంతోషంగా ఉంది. రాబోయే రోజుల్లో మరిన్ని ఉత్తమ చిత్రాలు చేస్తాను’ అంటూ అసలు విషయం చెప్పకుండానే ముగించేశాడు. దీంతో నెటిజన్లలో అనుమానాలు మొదలవగా.. దానయ్య ఎందుకు ‘ఆర్ఆర్ఆర్’ టీమ్‌కి దూరంగా ఉంటున్నాడు? అతనే ఉంటున్నడా లేక టీమ్ అతడిని దూరంగా ఉంచుతోందా? అని చర్చిస్తున్నారు.
Also Read: పాపం.. ఎన్టీఆర్‌కు ఘోర అవమానం.. అక్కడ కూడా రామ్ చరణే టాప్?
