షారుఖ్, విజయ్‌ల ప్రేమకు ఫిదా అయిపోయా.. బాలీవుడ్ నటి
దిశ, సినిమా: బాలీవుడ్ సూపర్ స్టార్ షారుఖ్ ఖాన్, విజయ్ సేతుపతితో కలిసి ‘జవాన్’లో పనిచేసిన అనుభవాలను అభిమానులతో పంచుకుంటూ మురిసిపోయింది నటి రిధి డోగ్రా. ఈ మేరకు తన కెరీర్‌లో ఇదే అతిపెద్ద మూవీ చెప్పిన నటి.. చిత్రం బృందంతోపాటు షారుఖ్, విజయ్ తనపై ఎనలేని ప్రేమ చూపించడం పట్ల ప్రశంసలు కురిపించింది. అలాగే ఆర్థికపరమైన అంశాలతో సంబంధం లేకుండా సూపర్‌స్టార్‌లతో స్క్రీన్‌ షేర్ చేసుకోవాలనే తపనతో ఎక్కువ ఆలోచించకుండా ప్రాజెక్టులో చేరానని చెప్పింది.
ఇక ఇందులో తన హావభావాలకు ప్రజల స్పందన చాలా సానుకూలంగా ఉంటుందని, ప్రపంచం నలుమూలల నుంచి అభిమానులు మెచ్చుకంటారని ఆశిస్తున్నట్లు తెలిపింది. చివరగా వ్యక్తిగత లాభం చూసుకోకుండా బలమైన కథ, క్యారెక్టర్‌కు ప్రాధాన్యతనిచ్చే చిత్రాల్లోనే నటిస్తానన్న ఆమె.. చాలా మందికి రోల్ మోడల్‌గా ఉండాలని కోరుకుంటున్నట్లు తెలిపింది. ఇక అట్లీ తెరకెక్కించిన ఈ మూవీ సెప్టెంబర్ 7న హిందీ, తమిళం, తెలుగు భాషల్లో విడుదలకానుంది.
