విడుదలకు ముందురోజు రవితేజ రావణాసుర సినిమాలో సీన్లు లీక్!

దిశ, వెబ్‌డెస్క్: మాస్ మహారాజ్ రవితేజ నటించిన రావణాసుర సినిమా రేపు(07-04-2023) ప్రపంచ వ్యాప్తంగా విడుదల కానుంది. ఈ క్రమంలో చిత్రబృందానికి బిగ్ షాక్ తగిలింది. మూవీలో అమ్మాయిలపై హీరో రవితేజ మాట్లాడిన డైలాగ్ సీన్లు లీకయ్యాయి. ఈ వీడియోలు కాస్త సోషల్ మీడియాలో వైరల్ కావడంతో చిత్రబృందం ఒక్కసారిగా షాకయ్యింది. దీంతో పోలీసులకు ఫిర్యాదు చేయడానికి సిద్ధమైనట్లు సమాచారం. కాగా, రవితేజ ‘రావణాసుర’ పెద్ద బ‌డ్జెట్‌తో తెర‌కెక్కింది. అంతే కాకుండా, ర‌వితేజ సినిమా అంటేనే ఎక్కువ మంది ప్రేక్షకులను ఆకర్షిస్తుంది. రవితేజ “ధమాకా”, “వాల్తేర్ వీరయ్య” సినిమాల‌తో ఇండస్ట్రీకి రెండు బ్యాక్ టు బ్యాక్ హిట్స్ ఇచ్చి ఫామ్‌లోకి వచ్చాడు. కాగా, థ్రిల్లర్‌గా తెరకెక్కిన‌ ‘రావణాసుర’లో రవితేజ లాయర్‌గా క‌నిపించ‌నున్నాడు. ఈ సినిమాలో ఐదుగురు హీరోయిన్స్: అను ఇమ్మాన్యుయేల్, పూజిత పొన్నాడ, మేఘా ఆకాష్, దక్షా నగర్కర్, ఫరియా అబ్దుల్లా నటించారు. ఈ క్రమంలో మాంచి జోష్‌లో ఉన్న చిత్రబృందానికి సడన్‌గా సీన్ లీక్ కావడంతో షాకయ్యారు.

Read More: ‘రావణాసుర’ రిలీజ్‌పై నానితో కలిసి రవితేజ స్పెషల్ వీడియో