అందుకే ‘యానిమల్’ సక్సెస్‌ని ఎంజాయ్ చేయలేక పోతున్నా : రష్మిక
దిశ, సినిమా: ప్రస్తుతం చేతి నిండా సినిమాలతో ఫుల్ బిజీగా దూసుకుపొతుంది రష్మిక మందన్న. ప్రస్తుతం ఈ ముద్దుగుమ్మ ‘పుష్ప 2: ది రూల్’సినిమాతో పాటు ‘రెయిన్ బో’, ‘ది గాళ్ ఫ్రెండ్’, ‘చావా’ వంటి తెలుగు, హిందీ ప్రాజెక్టులు చేస్తుంది. అయితే రీసెంట్ గా ‘యానిమల్’ హిట్‌ తర్వాత రష్మిక క్రేజ్ అమాంతం పెరిగిపొయింది. చెప్పాలంటే ఈ మూవీలో నటించిన ప్రతి ఒకరికి ఎంతో గుర్తింపు లభించింది. దీంతో ‘యానిమల్’ సక్సెస్‌ని బాగా ఏంజాయ్ చేస్తున్నారు టీం. కానీ రష్మిక మాత్రం ఆ సక్సెస్‌ని ఎంజాయ్ చేయలేక పోయిందట..
రీసెంట్ గా ఓ పోస్ట్ లో తన పూర్తి ఫేస్ కనపడకుండా ఫోన్ అడ్డంగా పెట్టుకుని ఫోటోలు షేర్ చేసింది.. ‘ మీరు నన్ను మిస్ అవుతున్నారు అని నాకు తెలుసు. నేను కూడా మిస్ అవుతున్నా. కానీ ఇది నా కొత్త సినిమా లుక్ కనుక టీమ్ రివీల్ చేయకుండదని చెప్పడంతో.. నా ఫేస్ చూపించడం లేదు. ప్రస్తుతం నా వరుస షూటింగ్స్‌ బిజీగా జరుగుతున్నాయి. కాబట్టి దయచేసి ఓపిక పట్టండి ఎందుకంటే నేను నా వంతు కృషి చేస్తున్నాను. మీరు దాని అర్థం చేసుకోవాలి.
అందుకే ‘యానిమల్’ సక్సెస్ ను నేను ఎంజాయ్ చేయలేకపోతున్నాను. నాకు కూడా వారితో ఆనందంగా గడపాలని ఉంది.. కానీ ‘యానిమల్’ సినిమా విడుదలైన మర్నాడే, కొత్త సినిమా షూటింగ్ కోసం సెట్స్‌కి రావాల్సి వచ్చింది. నేను అద్భుతమైన వర్క్ హాలిక్‌ని. అందుకే ఇంటర్వ్యూలలో, ఈవెంట్స్‌లో పార్టిసిపేట్ చేయలేకపోతున్నా. ఇప్పుడు ఒప్పుకున్న ఈ భారీ ప్రాజెక్టుల కోసం రాత్రుళ్లు కూడా ప్రయాణాలు చేస్తున్నా’ అని తెలిపింది రష్మిక.
