RAPO న్యూ లుక్ వైరల్.. ఫిదా అవుతోన్న నెటిజన్లు..!!
దిశ, సినిమా: టాలీవుడ్ హీరో రామ్ పోతినేని గురించి సుపరిచితమే. ప్రస్తుతం రాపో పూరి జగన్నాధ్ దర్శకత్వంలో డబుల్ ఇస్మార్ట్ సినిమాలో నటిస్తున్నాడు. కానీ ప్రొఫెషనల్ కమిట్‌మెంట్స్ తో బిజీగా ఉండడం వల్ల రామ్ షూటింగ్‌కు కాస్త బ్రేక్ ఇచ్చినట్లు తెలుస్తోంది. ఇకపోతే ఈ హీరో తాజాగా హైదరాబాద్ లోని ఓ షాపింగ్ మాల్ లాంచ్ కార్యక్రమంలో పాల్గొని తెగ సందడి చేశాడు.
రామ్ రాకతో ఆ ప్రాతంలో అభిమానులు కుప్పలు కుప్పలుగా తరలివచ్చారు. ఆ ఏరియాలో పండగ వాతావరణం ఏర్పడింది. ఉస్తాద్ రామ్ స్టైలిష్ ఎంట్రీ.. సందడి చేసిన ఫొటోలు, వీడియోలు ప్రస్తుతం సోషల్ మీడియాలో హల్ చల్ చేస్తున్నాయి. బ్లాక్ అండ్ వైట్ డ్రైస్ లో స్టైలిష్ గాగుల్స్ తో ఉన్న రామ్ ను చూసి జనాలంతా ఫిదా అయిపోయారు.
సినిమాల విషయానికొస్తే.. ఎనర్జిటిక్ హీరోగా పేరు తెచ్చుకున్న రామ్ పోతినేని.. మస్కా, మసాలా, బంగారు కోడిపెట్టే, ఎందుకంటే ప్రేమంట, రెడీ, రామ రామ క్రిష్ణ క్రిష్ణ, పండగ చేస్కో, కందిరిగ, నేను శైలజ, ఉన్నది ఒక్కటే జిందగీ, హల్లో గురు ప్రేమ కోసమే, ఇస్మార్ట్ శంకర్, గత ఏడాది తెరకెక్కిన స్కంద వంటి సినిమాల్లో నటించి.. స్టార్ హీరోగా గుర్తింపు సంపాదించుకున్నాడు. మరికొన్ని రోజుల్లో డబుల్ ఇస్మార్ట్ తో ఈ హీరో ఫ్యాన్స్ కు డబుల్ ట్రీట్ ఇవ్వనున్నాడు.
