ఆ ఒక్క మాటే మహా అద్భుతం.. రాజమౌళి కాంప్లిమెంట్‌పై చెర్రీ

దిశ, సినిమా: టాలీవుడ్ స్టార్ డైరెక్టర్ రాజమౌళిపై నటుడు రామ్ చరణ్ ఇంట్రెస్టింగ్ కామెంట్స్ చేశాడు. ఆస్కార్ వేడుకల కోసం ఇటీవల యూఎస్ వెళ్లిన ‘ఆర్ఆర్ఆర్’ చిత్రయూనిట్ అమెరికా పర్యటనలో బిజీగా ఉంది. ఈ క్రమంలోనే అమెరికా మీడియాతో ముచ్చటిస్తూ తమ సినిమాతోపాటు తెలుగు చిత్రపరిశ్రమ గురించి ఆసక్తికర విషయాలను పంచుకుంటున్న చెర్రీ.. తాజాగా జక్కన్నతో పనితీరు గురించి వివరించాడు.

‘సెట్‌లోకి అడుగుపెట్టగానే అతనితో సహా టీమ్ మొత్తం సినిమాపైనే దృష్టి పెట్టాలి అంటాడు. అలాగే ఏదైనా ఓ సీన్ ఒక్క టేక్‌లో ఓకే అయితే చాలా మంది డైరెక్టర్స్ సూపర్, ఫెంటాస్టిక్ అంటారు. రాజమౌళి మాత్రం గుడ్, నైస్ అని మాత్రమే చెబుతాడు. అయితే సెట్‏లో రాజమౌళి చెప్పే ఆ ఒక్క మాటే మహా అద్భుతం. ఆయన నోటి నుంచి ఆ పదం రావడమే మాకు అద్భుతంతో సమానం’ అంటూ సరదాగా చెప్పుకొచ్చాడు.