‘ఇండియన్-2’ ప్రమోషన్స్ జోరు పెంచిన రకుల్.. అమ్మడు లుక్‌కు నెటిజన్లు ఫిదా
దిశ, సినిమా: స్టార్ హీరోయిన్ రకుల్ ప్రీత్‌సింగ్ తెలుగు, హిందీ అనే తేడా లేకుండా వరుస సినిమాలు చేస్తూ దూసుకుపోతుంది. అతి తక్కువ సమయంలోనే స్టార్ హీరోయిన్ హోదా దక్కించుకుని ఇండస్ట్రీలో కొనసాగుతుంది. అయితే కెరీర్ పిక్స్‌లో ఉండగానే ఈ అమ్మడు.. తన ప్రియుడు నిర్మాత జాకీ భగ్నానీని పెళ్లి చేసుకుంది. ఆ తర్వాత కొద్ది రోజులు ఇండస్ట్రీకి దూరమైన రకుల్.. సోషల్ మీడియాలో మాత్రం ఫుల్ యాక్టివ్‌గా ఉంది. ఈ అమ్మడు పెళ్లి తర్వాత నటిస్తున్న మొదటి చిత్రం లోకనాయకుడు కమల్ హాసన్ ‘ఇండియన్-2’. ఇండియన్ సినిమాకు సీక్వెల్‌గా రాబోతున్న ఈ మూవీని డైరెక్టర్ శంకర్ తెరకెక్కించాడు. ఇందులో సిద్ధార్థ్, ప్రియా భవాని, నెడుముడి వేణు, కాజల్ కీలక పాత్రల్లో కనిపించనున్నారు.
అయితే ఇప్పటికే ఇండియన్-2 నుంచి విడుదలైన పోస్టర్స్, గ్లింప్స్, టీజర్, ట్రైలర్, అన్ని భారీ అంచనాలను పెంచేశాయి. ఈ సినిమాను జూలై 12న గ్రాండ్‌గా థియేటర్స్‌లో విడుదల చేస్తున్నారు మేకర్స్. రిలీజ్ తేదీ దగ్గర పడుతుండటంతో.. చిత్రబృందం ప్రమోషన్స్‌లో బిజీగా ఉంది. ఈ క్రమంలో.. తాజాగా, రకుల్ ఇండియన్-2 ప్రమోషన్స్‌లో భాగంగా సోషల్ మీడియాలో వరుస పోస్టులు పెడుతూ నెట్టింట రచ్చ చేస్తుంది. తన ఇన్‌స్టా వేదికగా ఈ బ్యూటీ కొన్ని ఫొటోలు షేర్ చేయడంతో అవి కాస్త నెట్టింట వైరల్ అవుతున్నాయి. వైట్ లెహంగాలో మత్తెక్కించే చూపులతో రకుల్ కుర్రాళ్లను ఫిదా చేసింది. ఇక వాటిని చూసిన నెటిజన్లు.. సూపర్ అంటూ ఫైర్ ఎమోజీలను షేర్ చేస్తున్నారు.
