ప్రభాస్ గురించి ఆసక్తికర విషయాలు చెప్పిన రాజాసాబ్ బ్యూటీ.. సెట్‌లోకి ఎనర్జీ వచ్చేస్తుందంటూ
దిశ, సినిమా: యంగ్ బ్యూటీ మాళవిక మోహనన్ ఇటీవల కోలీవుడ్ స్టార్ చియాన్ విక్రమ్ తంగలాన్ మూవీతో ప్రేక్షకుల ముందుకు వచ్చింది. ఈ సినిమా ఆగస్టు 15న థియేటర్స్‌లో గ్రాండ్‌గా విడుదలై బ్లాక్ బస్టర్ టాక్‌తో బాక్సాఫీసు వద్ద దూసుకుపోతుంది. అలాగే భారీ కలెక్షన్లు రాబడుతోంది. అయితే తంగలాన్ హిందీ వెర్షన్‌ మాత్రం ఆగస్టు 30న రిలీజ్ కాబోతుంది. ప్రస్తుతం మాళవిక మోహనన్ నటిస్తున్న తాజా చిత్రం ‘రాజా సాబ్’. ఇందులో పాన్ ఇండియా స్టార్ ప్రభాస్ హీరోగా నటిస్తుండగా.. మారుతి తెరకెక్కిస్తున్నాడు. ఈ మూవీతోనే మాళవిక తెలుగు ఇండస్ట్రీకి పరిచయం కాబోతుంది.
ప్రజెంట్ షూటింగ్ జరుపుకుంటున్న రాజా సాబ్ వచ్చే ఏడాది విడుదల కాబోతున్నట్లు సమాచారం. ఇదిలా ఉంటే.. తాజాగా, ఓ ఇంటర్వ్యూలో పాల్గొన్న మాళవిక డార్లింగ్‌పై ఆసక్తికర కామెంట్స్ చేసింది. ‘‘ప్రభాస్ రాజాసాబ్ సెట్‌లోకి అడుగుపెడుతూనే ఎనర్జీని తీసుకువస్తారు. ఆయన కష్టపడి పైకి వచ్చిన వ్యక్తి కాబట్టి పనిని భారంగా కాకుండా ఎంజాయ్ చేస్తుంటారు. పాన్ ఇండియా హీరో అయినా ఏమాత్రం గర్వం లేదు అందరినీ ఆప్యాయంగా పలకరిస్తారు. పైగా రెట్టింపు ఉత్సాహంతో షూటింగ్‌లో పాల్గొంటారు ఆయన పక్కన నటిస్తూ తెలుగు సినీ పరిశ్రమకు పరిచయం కావడం చాలా సంతోషంగా ఉంది. రాజాసాబ్ ఖచ్చితంగా హిట్ అవుతుందని భావిస్తున్నా’’ అని చెప్పుకొచ్చింది.
