ప్రముఖ హాలీవుడ్ సంస్థతో SS Rajamouli డీల్

దిశ, సినిమా: దర్శక ధీరుడు ఎస్ఎస్ రాజమౌళి దర్శకత్వం వహించిన 'బాహుబలి', 'ఆర్ఆర్ఆర్' చిత్రాలు ప్రపంచవ్యాప్తంగా సెన్సేషన్ క్రియేట్ చేశాయి. దీంతో హాలీవుడ్ మేకర్స్ కూడా జక్కన్నతో కలిసి పనిచేసేందుకు సిద్ధంగా ఉన్నారు. ఈ క్రమంలో రాజమౌళి ప్రముఖ హాలీవుడ్ ఏజెన్సీ 'క్రియేటివ్ ఆర్టిస్ట్ ఏజెన్సీ'తో డీల్ కుదుర్చుకున్నాడన్న న్యూస్ వైరల్ అవుతోంది. హాలీవుడ్‌కు చెందిన ఎంతో మంది నటీనటులు ఈ ఏజెన్సీకి చెందిన వారు కాగా.. ఇంతకీ రాజమౌళి కుదుర్చుకున్న డీల్ ఏంటనేది ఆసక్తికరంగా మారింది. దీంతో రాజమౌళి చేసే నెక్స్ట్ సినిమాల విషయంలో ఏం చేయబోతున్నాడనే క్రేజీ డిస్కషన్ జరుగుతోంది.