పలచని శారీలో కవ్వించే అందాలు ప్రదర్శిస్తోన్న పవర్ స్టార్ హీరోయిన్
దిశ, సినిమా: ‘బావ’ సినిమాతో టాలీవుడ్ ఇండస్ట్రీకి ఎంట్రీ ఇచ్చిన హీరోయిన్ ప్రణీత గురించి ప్రత్యేకంగా చెప్పాల్సిన అక్కర్లేదు. తర్వాత అగ్ర హీరోలైన జూనియర్ ఎన్టీఆర్, పవర్ స్టార్ పవన్ కల్యాణ్ వంటి సినిమాల్లో అవకాశం దక్కించుకుని.. ప్రేక్షకుల హృదయాలు గెలుచుకుంది. పవన్ అత్తారింటికి దారేది సినిమాలో ‘బొంగలాంటి కళ్లు తిప్పింది’ అనే పాటలో మెరిసి ప్రేక్షకులను మరింతగా ఆకట్టుకుంది. కెరీర్‌లో పరంగా అవకాశాలు వస్తున్న క్రమంలోనే ఈ అమ్మడు బెంగళూరుకు చెందిన నితిన్ రాజు అనే ఓ వ్యాపారవేత్తను పెళ్లి చేసుకుంది.
ఇటీవలే పండంటి ఆడబిడ్డకు జన్మనిచ్చిన విషయం తెలిసిందే. పెళ్లైనప్పటికీ ప్రణీత సోషల్ మీడియాలో యాక్టివ్‌గా ఉంటూ తనకు సంబంధించిన వ్యక్తిగత విషయాలను తరచూ పంచుకుంటూనే ఉంటుంది. తన పాపతో సరదాగా ఆడుతోన్న ఫొటోలు, వీడియోలు, ఈ అమ్మడు దేవాలయాలు సందర్శించిన ఫొటోలు, ఫేస్టివల్ సెలబ్రేషన్స్‌కు సంబంధించినవి ఇలా ప్రతి ఒక్కటి ప్రణీత తన ఫ్యాన్స్‌తో షేర్ చేసుకుంటుంది. తాజాగా ఈ బ్యూటీ నెట్టింట కుర్రాళ్లకు గ్లామర్ ట్రీట్ ఇచ్చింది.
తాజాగా ప్రణీత పలుచని శారీ కట్టుకుని.. టాప్ టు బాటమ్ సొగసుతో కుర్రాళ్లకు అందాల విందు చేస్తుంది. ఓ వైపు ట్రెడిషన్ లుక్ మరోవైపు హాట్ లుక్స్‌తో ప్రణీత యువతను తనవైపు తిప్పుకుంటోంది. ఈ బ్యూటీ లేటెస్ట్ ఫొటో షూట్ నెట్టింట వైరల్ అవ్వగా.. ‘‘ఇంత సొగసు ఉంటే బాపు బొమ్మ కాక మరేంటి.. చీరకే అందం వచ్చింది’’ అంటూ నెటిజన్లు కామెంట్స్ పెడుతున్నారు.
