ప్రభాస్ ‘కల్కి’ సెన్సార్ పూర్తి.. ఏ సర్టిఫికెట్ ఇచ్చారంటే?

దిశ, సినిమా: పాన్ ఇండియా స్టార్ ప్రభాస్, నాగ్ అశ్విన్ కాంబోలో తెరకెక్కుతున్న మూవీ ‘కల్కి’. ఇందులో దీపికా పదుకొణె, దిశా పటాని హీరోయిన్లుగా నటిస్తున్నారు. అలాగే అమితాబ్ బచ్చన్, కమల్ హాసన్ కీలక పాత్రల్లో కనిపించనున్నారు. అయితే ఇప్పటికే మేకర్స్ ప్రమోషన్స్ స్టార్ట్ చేసి ఫుల్ బిజీగా ఉన్నారు. ఈ మూవీ జూన్ 27న విడుదల కాబోతున్న సంగతి తెలిసిందే. అయితే ప్రేక్షకుల్లో కల్కి మూవీపై భారీ అంచనాలు నెలకొన్నాయి.

దానికి కారణం ఇందులోంచి విడుదలైన అప్డేట్స్ అన్ని ఎంతగానో ఆకట్టుకున్నాయి. ఇదిలా ఉంటే.. తాజాగా, కల్కి సెన్సార్ పూర్తైనట్లు సమాచారం. ఈ సినిమాకు U/A సర్టిఫికెట్ వచ్చింది. అయితే మొత్తం 2.58 గంటల రన్‌టైమ్ ఉన్నట్లు టాక్. సెన్సార్ టీమ్ మేకర్స్‌ను అభినందిచారట. మొత్తంగా విజువల్స్ అన్ని బాగున్నాయని ప్రశంసలు కురిపించారట.