ప్రభాస్ ‘కల్కి 2898AD’ రన్ టైం ఎంతో తెలిస్తే షాక్ అవ్వాల్సిందే!
దిశ, సినిమా: పాన్ ఇండియా స్టార్ ప్రభాస్, దీపికా పదుకొణె జంటగా నటిస్తున్న సినిమా ‘కల్కి 2898AD’. స్టార్ డైరెక్టర్ నాగ్ అశ్విన్ తెరకెక్కిస్తున్న ఈ చిత్రంలో.. అమితాబ్ బచ్చన్ ‘అశ్వత్థామ’ అనే పాత్రలో కనిపించనుండగా.. కమల్ హాసన్, దిశా పటాని కీలక పాత్రలో నటిస్తున్నారు. వైజయంతి మూవీ బ్యానర్‌పై రూపొందుతున్న ఈ చిత్రం జూన్ 27న గ్రాండ్ రిలీజ్‌కు సిద్ధంగా ఉంది. ఇక ఇప్పటికే ప్రమోషన్స్‌లో జోరు పెంచిన మూవీ టీమ్.. సినిమాపై మరింత హైప్‌ను పెంచే ప్రయత్నంలో ఉన్నారు. అంతే కాకుండా యూఎస్‌లో బుకింగ్‌లు జూన్ 8 నుంచి ప్రారంభం కానున్నట్లు తెలుస్తుంది.
దీంతో ప్రీ-సేల్స్‌కు సంబంధించి యూఎస్ డిస్ట్రిబ్యూటర్ ఈ మూవీ రన్‌టైం గురించి ఇంట్రెస్టింగ్ పోస్ట పెట్టారు. కల్కి మూవీ 2 గంటల 50 నిమిషాల ఉన్నట్లు ఆయన చెప్పుకొచ్చారు. ప్రజెంట్ ఈ పోస్ట్ వైరల్ కావడంతో.. రన్ టైం కాస్త ఎక్కువగా ఉందని కొందరు అసంతృప్తి వ్యక్తం చేస్తుంటే.. కాన్సెప్ట్ ఇంట్రెస్టింగ్‌గా ఉంటే ఈ టైం పెద్ద సమస్య కాదంటూ మరికొందరు అభిప్రాయం వ్యక్తం చేస్తున్నారు. ఏదిఏమైన ‘కల్కి 2898AD’ రన్ టైం‌పై పూర్తి క్లారిటీ రావాటంటే సెన్సార్ సర్టిఫికేట్ వచ్చే వరకు వేచి చూడాల్సిందే.
