ఇండస్ట్రీలో అది అనుకున్నంత ఈజీ కాదు : Richa Chadha

దిశ, సినిమా: బాలీవువ్ స్టార్ దర్శకుడు సంజయ్‌ లీలా భన్సాలీ తెరకెక్కించే సినిమాలు ఎంత కొత్తగా ఉంటాయోమనకు తెలిసిందే. ‘దేవదాస్’, ‘పద్మావత్’, ‘బాజీరావ్ మస్తానీ’, ‘రామ్ లీలాలా’ వంటి సినిమాలు తెరకెక్కించిన భన్సాలీ.. తొలిసారి ఓటీటీలోకి అడుగుపెడుతూ భారీ బడ్జెట్ ‘హీరామండి’ సిరీస్ తెరకెక్కిస్తున్నాడు. ఇందులో మనీషా కొయిరాలా, సోనాక్షి సిన్హా, అదితి రావ్ హైదరీ, రిచా చద్దాలాంటి బాలీవుడ్ టాప్ హీరోయిన్లు నటిస్తున్నారు. కాగా ఈ సిరీస్ ఈ ఏడాదే నెట్‌ఫ్లిక్స్ లోకి రాబోతోంది. ఇక తాజాగా విడుదలైన ఫస్ట్ లుక్ భన్సాలీ స్టైల్లో ఊహించినట్లే చాలా గ్రాండ్ గా ఉంది.

అయితే ఇటీవల ఓ ఇంటర్వ్యూలో పాల్గొన్న నటి రిచా చద్దా కొన్ని ఇంట్రెస్టింగ్ విషయాలు పంచుకుంది. ‘ ప్రపంచం అంత సోషల్ మీడియాలో ఉంటుంది.ఇక తప్పదు కాబట్టి నేను సోషల్ మీడియాలో యాక్టివ్ గా ఉంటాను. కానీ దాని వల్ల ప్రయోజనం ఏంటో అర్థం కావడం లేదు. ఎందుకంటే రియల్ లైఫ్ ని వదిలేసి.. ఇంటర్నెట్ లో బతుకుతున్నాం. కానీ నేనల్లా కాదు నా అభిప్రాయాలు ఎంతవరకు పంచుకోవాలో అంత వరకే పంచుకుంటా. ఇక కెరీర్ గురించి చెప్పాలంటే నటన అనుకున్నంత ఈజీ కాదు. కొన్నిసార్లు మనకు ఛాలెంజింగ్ పాత్రలు తగులుతాయి. అలాంటప్పుడు ఆ పాత్ర చేయగలమా అన్న సందేహం వస్తుంది. ఈ విషయాన్ని ఎంతోమంది నటులను అడిగాను’ అని చెప్పుకొచ్చింది.