పవన్‌పై అలీ సంచలన వ్యాఖ్యలు.. Nagababu ఏమన్నారంటే..?
దిశ, వెబ్‌డెస్క్: నటుడు, జనసేన నేత నాగబాబు వైసీపీపై ఫైర్ అయ్యారు. అసలు వైసీపీ ఓ పార్టీనా అంటూ మండిపడ్డారు. శ్రీకాకుళంలో జరిగిన యువశక్తి ప్రోగ్రాంలో ఆయన మాట్లాడుతూ.. అరాచకం, దుర్మాగం, దౌర్జన్యం కలిస్తే వైసీపీ అని ఘాటు వ్యాఖ్యలు చేశారు. రాబోయే ఎన్నికల్లో జనసేన ఎవరితో పొత్తులు పెట్టుకుంటుందనే విషయం జనసేన చీఫ్ పవన్ కల్యాణ్ ప్రకటిస్తాడని తెలిపారు. పొత్తుల ఓ కొలిక్కి వచ్చిన తర్వాత.. ఎవరు ఎక్కడ పోటీ చేయాలో నిర్ణయం తీసుకుంటామని అన్నారు. అంతేకాకుండా పవన్ కల్యాణ్‌పై పోటీ సిద్ధమని కమెడియన్ అలీ చేసిన వ్యాఖ్యలపై ప్రశ్నించగా.. ''నో కామెంట్స్'' అంటూ నాగబాబు సమాధానాన్ని దాటవేశారు.
కాగా, జగన్ ఆదేశిస్తే జనసేన అధినేత పవన్ కల్యాణ్‌పై తాను పోటీకి రెడీ అని అలీ సంచలన వ్యాఖ్యలు చేసిన విషయం తెలిసిందే. పవన్ తనకు మంచి మిత్రుడే అయినా.. సినిమాలు వేరు రాజకీయాలు వేరు అని అలీ వ్యాఖ్యానించాడు. పవన్ కల్యాణ్‌కు దగ్గరి వ్యక్తి అయినా అలీ ఒక్కసారి ఇలా అనూహ్య వ్యాఖ్యలు చేయడం ఏపీ రాజకీయాల్లో హాట్ టాపిక్‌గా మారింది. కాగా, అలీ వ్యాఖ్యలపై ఇప్పటి వరకు పవన్ స్పందించకపోగా.. నాగబాబు సైతం ఆ వ్యాఖ్యలపై రియాక్ట్ అవ్వడానికి ఇష్టపడకపోవడం గమనార్హం.
Also Read...
చంద్రబాబు, లోకేష్‌కు ప్రాణహాని: మాజీ ఎమ్మెల్సీ బుద్దా సంచలన వ్యాఖ్యలు
