Manu Bhakar: ఆ సినిమాకు మెడల్ ఇవ్వాల్సిందేనంటూ మను భాకర్ పోస్ట్.. యంగ్ హీరో ఏమన్నాడంటే?
దిశ, సినిమా: బాలీవుడ్ స్టార్ హీరో కార్తీక్ ఆర్యన్ నటించిన చిత్రం ‘చందు ఛాంపియన్’. పారాలింపిక్ స్వర్ణపతకం విజేత పేట్కర్ జీవిత కథ ఆధారంగా ఈ మూవీని కబీర్ ఖాన్ తెరకెక్కించాడు. అయితే ఈ సినిమా జూన్ 14న ప్రేక్షకుల ముందుకు వచ్చి మంచి రెస్పాన్స్‌ను దక్కించుకుంది. అంతేకాకుండా కలెక్షన్స్ పరంగా రూ. 88 కోట్లకు పైగా కలెక్షన్స్ రాబట్టి బాక్సాఫీసు వద్ద మంచి గుర్తింపు తెచ్చుకుంది. ప్రస్తుతం అమెజాన్ ప్రైమ్‌లో స్ట్రీమింగ్ అవుతోంది. తాజాగా, చందు ఛాంపియన్ సినిమా చూసిన ఒలింపిక్స్‌లో రెండు పతకాలు సాధించిన భారత స్టార్ షూటర్ మను భాకర్ ఇన్‌స్టా వేదిక ప్రశంసలు కురిపించింది.
ఫస్ట్ టైమ్ రెండు కాంస్య పతకాలు సాధించి అందరి మనసులు గెలుచుకున్న ఆమె మనసు చందు ఛాంపియన్ సొంతం చేసుకున్నట్లు పోస్ట్ చూస్తే అర్థమవుతుంది. అయితే ఈ మూవీపై ఆమె.. ‘‘ నేను ఊహించిన దానికంటే మూవీ అద్భుతంగా ఉంది. ఒక అథ్లెట్ పాత్రలో నటించడం అంత సులభం కాదు’’అని రాసుకొచ్చింది. ఇక దీనిపై చందు ఛాంపియన్ హీరో కార్తీక్ ఆర్యన్ స్పందించాడు. మీలాంటి నిజమైన ఛాంపియన్ మా సినిమాపై ప్రశంసలు కురిపించడం అద్భుతం. చాలా సంతోషంగా ఉంది. ప్రతి ఒక్క భారతీయుడు గర్వపడేలా చేశారు. అలాగే మా మూవీపై ప్రశంసలు కురిపించినందుకు ధన్యవాదాలు’’ అని తెలిపాడు.
