Allu Arjun: కలిసి వ్యాపారం ప్రారంభించనున్న అల్లు అర్జున్, జూనియర్ బచ్చన్

దిశ, సినిమా: జాతీయ స్థాయిలో ‘పుష్ప’ మూవీ సూపర్ సక్సెస్ అయిన తర్వాత అల్లు అర్జున్ ఒక బ్రాండ్‌గా మారారు. ఇప్పుడు “పుష్ప 2” టీజర్‌‌తో హీరో రేంజ్ మాములుగా లేదు. ఇక మూవీస్ విషయం పక్కన పెడితే, ఈ మధ్య కాలంలో కొందరు హీరోలు ఓ వైపు సినిమాలు చేస్తూ, మరో వైపు వ్యాపారాలు మొదలు పెడుతున్నారు. తాజా సమాచారం ప్రకారం.. అల్లు అర్జున్ త్వరలో అభిషేక్ బచ్చన్‌తో కలిసి స్పోర్ట్స్ వ్యాపారంలోకి అడుగుపెట్టనున్నాడట. ఇప్పటికే జూనియర్ బచ్చన్ కబడ్డీ ఆడే జైపూర్ పింక్ పాంథర్స్, అలాగే ఫుట్‌బాల్ ఆడే చెన్నయిన్ FC తో సహా రెండు స్పోర్ట్స్ క్లబ్‌లను కలిగి ఉన్న విషయం తెలిసిందే. ఇప్పుడు బన్నీ, అబిషేక్ బచ్చన్ కలిసి ఓ టీమ్‌ని కొనుగోలు చేస్తున్నారని వినికిడి.