అతడే మోస్ట్ హ్యాండ్సమ్.. మనసులో మాట బయటపెట్టిన లావణ్య త్రిపాఠి
దిశ, సినిమా: ఆది సాయికుమార్‌, లావణ్యత్రిపాఠి హీరోహీరోయిన్లుగా నటిస్తున్నా తాజా చిత్రం 'పులిమేక'. చక్రవర్తి రెడ్డి దర్శకత్వంలో రూపొందిన ఈ చిత్రం ఫిబ్రవరి 24న జీ5 ఓటీటీ వేదికగా స్ట్రీమింగ్‌ కానుంది. ఇందులో లావణ్య త్రిపాఠి పోలీస్‌ ఆఫీసర్‌గా, ఆది డాక్టర్‌‌గా కనిపించనున్నారు. అయితే తాజాగా ఆ మూవీ టీమ్, ఈటీవీలో 'సుమ అడ్డ' షోలో పాల్గొన్నారు.
ఇందులో భాగంగా లావణ్య త్రిపాఠిని మోస్ట్ హ్యాండ్సమ్ హీరో ఎవరు? ఏ-నాని, బీ-వరుణ్ తేజ్ అంటూ సుమ ఇద్దరి పేర్లు చెప్పింది. దీనికి రియాక్ట్ అయిన లావణ్య వరుణ్ తేజ్ పేరు చెప్పింది. మోస్ట్ హ్యాండ్సమ్‌గా వరుణ్ ఉంటాడంటూ తన మనసులో మాట బటయపెట్టింది. అయితే వరుణ్ తేజ్, లావణ్య త్రిపాఠి మధ్య లవ్ ట్రాక్ నడుస్తుందని, ఇద్దరు రిలేషన్‌లో ఉన్నారని, ఎప్పటి నుంచో రకరకాల వార్తలు వినిపిస్తున్నాయి. దీంతో సుమ షోలో లావణ్య ఇచ్చిన సమాధానం వైరల్ అవుతోంది.
