బుల్లితెరకు ఎంట్రీ ఇచ్చేసిన కుమారి ఆంటీ.. సోషల్ మీడియాను షేక్ చేస్తున్న వీడియో

దిశ, సినిమా: గుడివాడ నుంచి హైదరాబాద్‌కు వచ్చిన కుమారి ఆంటీ అలియాస్ సాయి కుమారి ప్రస్తుతం సోషల్ మీడియా సెన్సేషన్‌గా మారింది. జూబ్లిహిల్స్‌లో ఫుడ్ స్టాల్ పెట్టి ఫుల్ పాపులర్ అయింది. అలాగే ‘‘మీది మొత్తం వేయి అయింది. ఎక్సా ట్రా రెండు లివర్స్’’ అనే డైలాగ్‌తో ఓవర్ నైట్ స్టార్‌గా మారిపోయింది. అంతేకాకుండా ఇటీవల ఆమె స్టాల్‌ను ట్రాఫిక్ జామ్ కారణంగా నిలిపివేశారు. దీనిపై తెలంగాణ సీఎం రేవంత్ రెడ్డి స్పందించిన విషయం తెలిసిందే.

సాయి కుమారి ఫుడ్ స్టాల్ నిలిపివేయడానికి వీలు లేదని ప్రకటించారు. అంతేకాకుండా తనకు వీలున్నప్పుడల్లా వెళ్లి ఆమె దగ్గర భోజనం కూడా చేస్తానని చెప్పారు. ఇక సీఎం పర్మీషన్ ఇవ్వడంతో యదావిధిగా ఆమె ఇంతకు ముందులా ఫుడ్ అమ్ముతూ జీవనం కొనసాగిస్తుంది. అయితే ఈ సంఘటన తర్వాత కుమారి ఆంటీ ఒక్కసారిగా ఫుల్ ఫేమస్ అయిపోయింది. దెబ్బకు పలు మీడియా ఛానల్స్ ఆమెను ఇంటర్వ్యూ కూడా చేశాయి. ఇక అప్పటి నుంచి రెండు తెలుగు రాష్ట్రాల ప్రజలు ఎక్కడ చూసిన కుమారి ఆంటీ గురించే చర్చించుకోవడం మొదలుపెట్టారు.

అలాగే ఆమెకు బిగ్‌బాస్ ఛాన్స్ కూడా వచ్చినట్లు వార్తలు హల్ చేశాయి. దీనిపై క్లారిటీ లేనప్పటికీ రోజుకో వార్త మాత్రం వైరల్ అవుతూనే ఉన్నాయి. తాజాగా, కుమారి ఆంటీ బుల్లితెరకు ఎంట్రీ ఇచ్చినట్లు తెలుస్తోంది. దీనికి సంబంధించిన ఓ వీడియో నెట్టింట వైరల్ అవుతోంది. అందులో బిగ్‌బాస్ సీజన్-7 కంటెస్టెంట్స్ అంతా ఉండగా శ్రీముఖి యాంకర్‌గా వ్యవహరిస్తూ కనిపించింది. అంతేకాకుండా అందరూ కలిసి ఫుడ్ తింటూ ఏదో స్కిట్ కూడా చేశారు. దీని పూర్తి ఎపిసోడ్ గురించి అసలు విషయాలు తెలియనప్పటికీ ఇక ఈ వీడియోను చూసిన వారంతా ఆమెకు తిరుగే లేదంటున్నారు. అలాగే సినిమాల్లోకి ఎంట్రీ ఇచ్చిన ఆశ్చర్యపోనక్కర్లేదని కామెంట్లు చేస్తున్నారు.