ఏపీలో కూటమి హవా!.. నగరిలో ముందునుంచి వెనుకంజలో ఉన్న నటి రోజా రియాక్షన్ ఇదే

దిశ, సినిమా: ఏపీ అసెంబ్లీ ఎన్నికల ఫలితాల్లో కూటమి హవా కొనసాగుతుంది. 175 అసెంబ్లీ నియోజకవర్గాలలో కూటమి అభ్యర్థులు 150కి పైగా స్థానాల్లో ఆధిక్యంలో కొనసాగుతున్నారు. మంత్రులు ఇద్దరు ముగ్గురు మినహా మిగిలిన వారంతా ఓటమి బాటలో పయనిస్తున్నారు. నగరి నియోజకవర్గంలో నటి రోజా కూడా ఓటమి దిశగా పయనిస్తున్నారు. అయితే, ఏపీలో కూటమి హవా కొనసాగుతున్న వేళ మంత్రి రోజా తన ట్విట్టర్ ఖాతాలో ఆసక్తికర ట్వీట్ చేశారు. నటి రోజా తన ట్విటర్ ఖాతాలో భాగంగా చిరునవ్వులు చిందిస్తున్న ఫోటోను షేర్ చేశారు. భయాన్ని విశ్వాసంగా.. ఎదురు దెబ్బలను మెట్లుగా.. మన్నింపులను నిర్ణయాలుగా.. తప్పులను పాఠంగా నేర్చుకుని, మార్చుకునే వాళ్లే శక్తివంతమైన వ్యక్తులుగా మారుతారు. అని రోజా ట్వీట్ లో పేర్కొన్నారు. రోజా ట్వీట్ పై నెటిజన్లు పలు రకాలుగా కామెంట్లు చేస్తున్నారు.