బోల్తా పడిన స్టార్ హీరో అజిత్ కుమార్ కారు.. ఆరోగ్య పరిస్థితి ఎలా ఉందంటే? (వీడియో)

దిశ, సినిమా: కోలీవుడ్ స్టార్ అజిత్ కుమార్ ప్రస్తుతం వరుస చిత్రాల్లో నటిస్తూ ఫుల్ బిజీగా ఉన్నారు. 2023లో ఆయన నటించిన తునివ్ మూవీ హిట్ అందుకుంది. అయితే ఇటీవల ఆయనకు అనారోగ్యం బాగాలేదని వార్తలు వచ్చిన విషయం తెలిసిందే. దీంతో ఫ్యాన్స్ ఆందోళన చెందారు. కానీ ఆయన జనరల్ చెక్‌అప్‌కు వెళ్లినట్లు తెలపడంతో అంతా ఊపిరిపీల్చుకున్నారు. ఇదిలా ఉంటే.. తాజాగా, అజిత్ కారు బోల్తా పడిన వీడియోలు సోషల్ మీడియాను షేక్ చేస్తున్నాయి.

అయితే అదే కారులో నటుడు అరవ్ కూడా ఉన్నట్లు కనిపిస్తోంది. అతని చేతికి బేడీలు వేసి కారు సీటుకు కట్టేసి ఉన్నాడు. ఇందులో అజిత్ కారును ఫాస్ట్‌గా నడుపుతూ వెళ్తుండగా.. కాసేపటికే పక్కకు అపాలని ప్రయత్నిస్తాడు. కానీ అప్పటికే అది అదుపుతప్పి బోర్లా పడింది. ఆ తర్వాత అజిత్ అరవ్ నువ్వు బాగానే ఉన్నావ్ ఏం కాలేదు కదా అని అడుగుతాడు. అంతలోనే అక్కడున్న వారంతా పరుగులు పెడుతూ అక్కడికి ఫాస్ట్‌గా చేరుకుని వారిని బయటకు తీస్తారు. ఇద్దరికీ ఏమీ కాదు. అయితే ఇదంతా విడాముయర్చి షూటింగ్‌కు సంబంధించిన వీడియోలు అని తెలుస్తోంది. వాటిని ప్రముఖ సంస్థ లైకా ప్రొడక్షన్స్ వారు ట్విట్టర్ వేదికగా షేర్ చేశారు. ప్రస్తుతం అవి నెట్టింట వైరల్ అవుతున్నాయి. ఇక ఆ వీడియోలు చూసిన వారంతా అజిత్ డెడికేషన్‌కు హ్యాట్సాఫ్ అని పొగడ్తలతో ముంచెత్తుతున్నారు.