బాలీవుడ్ ఫస్ట్ మూవీకి షాకింగ్ రెమ్యునరేషన్ తీసుకుంటున్నకీర్తి సురేష్
దిశ, సినిమా: టాలీవుడ్ క్యూటెస్ట్ హీరోయిన్ కీర్తి సురేష్ ప్రేక్షకులను సరికొత్తగా అలరించేందుకు ఇటీవలే బాలీవుడ్‌‌లోకి ఎంట్రీ ఇచ్చిన విషయం తెలిసిందే. తేరీ రీమేక్ తో తెరకెక్కుతోన్న ‘బేబీ జాన్’ సినిమాతో హిందీలో అడుగుపెట్టింది. ప్రస్తుతం ఈ చిత్ర షూటింగ్ శరవేగంగా జరుపుకుంటోంది. ఈ నటి ఏకంగా మొదటి సినిమానే బాలీవుడ్ స్టార్ హీరో వరుణ్ ధావన్ సరసన నటిస్తుండటం గమనార్హం. కలీస్ దర్శకత్వం వహిస్తున్న ఈ సినిమా మే31 వ తేదీన థియేటర్లలో గ్రాండ్ రిలీజ్ అవ్వనుంది.
అయితే కీర్తి సురేష్ ఈ మూవీ కోసం ఏకంగా 4 కోట్ల రూపాయలు రెమ్యునరేషన్ అందుకోబోతుందంటూ సోషల్ మీడియాలో ఓ వార్త వైరల్ అవుతోంది. టాలీవుడ్ లో ఈ బ్యూటీ సాధారణంగా ఒక్కో చిత్రానికి కోటి నుంచి రెండు కోట్ల వరకు పారితోషికం తీసుకునేది. కానీ బాలీవుడ్ లోకి ఎంట్రీ ఇవ్వగానే డబుల్ రెమ్యునరేషన్ పెంచడంతో నెట్టింట హాట్ టాపిక్‌గా మారింది.
ఇక తెలుగులో నేను శైలజ, మహానటి, సూపర్ స్టార్ మహేష్ బాబు సరసన సర్కారు వారి పాట, మెగా స్టార్ భోళా శంకర్ వంటి అగ్ర హీరోల సినిమాల్లో నటించి మంచి గుర్తింపు దక్కించుకుంది. ప్రస్తుతం కీర్తి సురేష్ కోలీవుడ్‌లో ‘రఘుతాత, రివాల్వర్ రీటా, కన్నివెడి’ వంటి సినిమాలతో ఫుల్ బిజీగా ఉంది.
