ఆప్యాయంగా సూర్య నుదుటిపై ముద్దు పెట్టుకున్న కమల్

దిశ, సినిమా: గతేడాది సూపర్ సక్సెస్ అందుకున్న చిత్రాల్లో లోకనాయకుడు కమల్ హాసన్ నటించిన ‘విక్రమ్’ ఒకటి. ముఖ్యంగా ఈ మూవీలో స్టార్ హీరో సూర్య చేసిన రోలెక్స్ పాత్ర సినిమాను మరో రేంజ్‌కు తీసుకెళ్లింది. అభిమానులు ఈ సీన్‌కు ఫిదా అయ్యారు. అయితే తాజాగా చెన్నైలో జరిగిన ఓ అవార్డుల కార్యక్రమంలో పాల్గొన్న కమల్.. సూర్యకు అవార్డు అందిస్తూ, ఆయనపై ప్రశంసల వర్షం కురిపించారు. ‘‘విక్రమ్’లో రోలెక్స్ పాత్ర వల్ల మా సినిమా ఎక్కువ మందికి చేరువైంది. చివరి నిమిషంలో తీసుకున్న నిర్ణయంతో ఈ క్యారెక్టర్ యాడ్ చేశాం. ఒక్క ఫోన్ కాల్‌తో వెంటనే సూర్య ఈ రోల్ చేసేందుకు ఒప్పుకున్నాడు. అంగీకరించినందుకు మరోసారి ధన్యవాదాలు’ అని కృతజ్ఞతలు తెలిపాడు. అలాగే అవార్డు ఇచ్చే క్రమంలో కమల్.. సూర్యను గట్టిగా హత్తుకొని, ఆప్యాయంగా నుదుటిపై ముద్దు పెట్టుకున్నాడు.