థియేటర్లో సో సో గా ఉన్న కాజల్ మూవీ ఆ ఓటీటీలో నంబర్ వన్ ట్రెండింగ్ లో దూసుకెళ్తుంది..
దిశ, సినిమా: కాజల్ అగర్వాల్ ఇప్పుడు పాతతరం హీరోలకు బెస్ట్ ఆప్షన్ అయిపోయింది. బాలకృష్ణ సరసన భగవంత్ కేసరి మూవీలో నటించింది. దీని తర్వాత కాజల్ ప్రధాన పాత్రలో నటించిన "సత్యభామ" తో మన ముందుకొచ్చింది. థియేటర్లలో పెద్దగా ఆడని మూవీ ఓటీటీలో నెంబర్ వన్ ప్లేస్ లో దూసుకెళ్తుంది.ఈ మూవీ జూన్ 7న థియేటర్లలో విడుదలైంది. ఈ చిత్రంలో కాజల్ అగర్వాల్ పవర్ ఫుల్ పోలీస్ పాత్రలో కనిపించింది.
ఎలాంటి ప్రకటన లేకుండా సైలెంట్ గా అమెజాన్ ప్రైమ్ ఓటీటీలోకి వచ్చి ప్రస్తుతం నెంబర్ 1 ప్లేస్ లో “సత్యభామ” ట్రెండింగ్లో ఉంది. తక్కువ సమయంలోనే 100 మిలియన్ నిమిషాలు వీక్షించారు. కాజల్ సినీ కెరీర్లో ఇలా జరగడం మొదటి సారి. ప్రకాష్ రాజ్, నాగినీడ, హర్షవర్ధన్ నటీనటులు ఈ చిత్రంలో ప్రధాన పాత్రలు పోషించారు.
సత్యభామను అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి అద్భుతంగా నిర్మించారు. "మేజర్" శశికిరణ్ తిక్క చిత్రానికి సమర్పకులుగా పనిచేసారు. ఈ సినిమా స్క్రీన్ ప్లే కూడా బాగా వచ్చింది. దర్శకుడు సుమన్ చిక్కాల ఈ క్రైమ్ చిత్రానికి దర్శకత్వం వహించారు.
