కొత్త యాప్ థ్రెడ్స్ లోకి ఎంట్రీ ఇచ్చిన ఫస్ట్ టాలీవుడ్ స్టార్ హీరో ఎన్టీఆర్
దిశ, సినిమా: టాలీవుడ్ స్టార్ హీరోస్ అంతా కూడా సోషల్ మీడియాలో చాలా యాక్టివ్‍గా ఉంటారు. ట్విట్టర్, ఫేస్ బుక్, ఇన్ స్టా వేదికగా తమ సినిమా అప్డేట్స్.. వ్యక్తిగత విషయాలను సైతం అభిమానులతో పంచుకుంటుంటారు. రీసెంట్ గా పవర్ స్టార్ పవన్ కళ్యాణ్ సైతం ఇన్ స్టాలో అడుగుపెట్టారు. ఇక తాజాగా ప్రముఖ మైక్రో బ్లాగింగ్ సైట్ ట్విట్టర్ కు పోటీగా మెటా అధినేత జూకర్ బర్గ్ సరికొత్తగా థ్రెడ్స్ యాప్ లాంచ్ చేసిన విషయం తెలిసిందే. ఈ యాప్ ప్లే స్టోర్ లో అందుబాటులోకి వచ్చింది.
ఇక విడుదల చేసిన గంటల్లో రెండు మిలియన్, నాలుగు గంటల్లో ఐదు మిలియన్ల మంది డౌన్ లోడ్ చేసుకున్నారు. ఎక్కువగా ఇండియన్స్ ఈ యాప్ ని ఇన్ స్టాల్ చేసుకున్నట్లు తెలుస్తోంది. కాగా ఈ యాప్ ను ఇప్పుడు సెలబ్రిటీస్ సైతం ఉపయోగించడం స్టార్ట్ చేశారు. ఇందులో భాగంగా మొదటగా టాలీవుడ్ నుంచి జూనియర్ ఎన్టీఆర్ ఈ థ్రెడ్స్ యాప్ ను డౌన్ లోడ్ చేసుకున్నారు. దీంతో అభిమానులు ఫుల్ ఖుషి అవుతూ.. తారక్ జాయిన్ అయిన కొన్ని నిమిషాలకే వేల సంఖ్యలో ఫాలో అయిపోయారు. ఇక మిగతా హీరోల అభిమానులు కూడా వారి హీరోలను ఈ యాప్ లో జాయిన్ కావాలని కోరుతున్నారు.
