‘సలార్ 2’ ఇక లేనట్టే.. ఫిల్మ్ వర్గాల్లో హాట్ టాపిక్‌గా ప్రభాస్ మూవీ!
దిశ, సినిమా: పాన్ ఇండియా స్టార్ ప్రభాస్ బ్లాక్ బస్టర్ హిట్ చిత్రాల్లో ‘సలార్’ ఒకటి. కేజీఎఫ్ ఫేమ్ ప్రశాంత్ నీల్ దర్శకత్వంలో వచ్చిన ఈ మూవీలో శృతి హాసన్ హీరోయిన్‌గా నటించగా.. మలయాళ స్టార్ హీరో పృధ్విరాజ్ సుకుమారన్ కీలక పాత్రలో కనిపించాడు. గతేడాది డిసెంబర్‌లో విడుదలైన ఈ మూవీ ప్రపంచవ్యాప్తంగా భారీగా కలెక్షన్స్ రాబట్టి సూపర్ సక్సెస్ అందుకుంది. అయితే.. ఈ చిత్రం ఎండింగ్‌లో ‘సలార్’కు సీక్వెల్ ఉంటుందని మేకర్స్ తెలిపిన విషయం తెలిసిందే. కానీ, ప్రస్తుతం అందుతున్న సమాచారం మేరకు సెకండ్ పార్ట్ ఆగిపోయినట్లు టాక్ వినిపిస్తుంది.
దీనికి అసలు కారణం ఏంటంటే.. మొన్నటి వరకు ప్రశాంత్ నీల్ ప్రభాస్ ‘కల్కి’ షూటింగ్ పూర్తి కాగానే ‘సలార్ 2’ షూటింగ్ స్టార్ట్ చేస్తారని ఫ్యాన్స్ భావించారు. కానీ, తాజాగా ఎన్టీఆర్ బర్త్‌డే సందర్భంగా ప్రశాంత్ నీల్, ఎన్టీఆర్ కాంబోలో మూవీ రానునట్లు ప్రకటించారు. అంతేకాకుండా ఆగస్టులో షూటింగ్ స్టార్ట్ కానున్నట్లు మైత్రి మూవీ మేకర్స్ అప్‌డేట్ ఇచ్చిన విషయం తెలిసిందే. దీంతో డార్లింగ్ ఫ్యాన్స్ తీవ్ర నీరాశ వ్యక్తం చేస్తున్నారు. అంతే కాకుండా ప్రభాస్, ప్రశాంత్ మధ్య కొన్ని క్రియేటివ్ డిఫెరెన్సెస్ రావడంతో ఈ సినిమా ఆగిపోయినట్లు ఫిల్మ్ వర్గాల నుంచి సమాచారం. ఇందులో ఎంత వరకు నిజం ఉందో తెలియదు కానీ, ప్రశాంత్ నీల్ త్వరలో ఎన్టీఆర్ మూవీతో బిజీ అవ్వనున్నారు కాబట్టి.. సలార్ 2 అయితే ఇప్పుడప్పుడే పట్టాలు ఎక్కే చాన్స్ లేనట్లు తెలుస్తుంది.
