ఇది నేనెప్పుడూ చూడలే.. పవన్ కల్యాణ్‌కు RGV స్పెషల్ విషెస్

దిశ, వెబ్‌డెస్క్: జనసేన చీఫ్, పవర్ స్టార్ పవన్ కల్యాణ్ నేడు పుట్టినరోజు జరుపుకుంటున్నారు. నేటితో పవన్ 52 ఏళ్లు పూర్తి చేసుకున్నారు. ఈ సందర్భంగా సినీ, రాజకీయ ప్రముఖులు ఆయనకు ప్రత్యేకంగా శుభాకాంక్షలు తెలుపుతున్నారు. పవన్ బర్త్ డే స్పెషల్‌గా వచ్చిన ‘ఓజీ’ ఫస్ట్ గ్లింప్స్ నెట్టింట సందడి చేస్తోంది. ఇందులో పవన్ గెటప్, స్టైల్‌కు ఫ్యాన్స్ ఫిదా అవుతున్నారు. ఇక, తాజాగా పవన్ కల్యాణ్‌కు రామ్ గోపాల్ వర్మ తనదైన స్టైల్‌లో విషెస్ చెప్పారు. ‘పవన్ కల్యాణ్ కి హ్యపీయెస్ట్ బర్త్ డే. ఓజీ గ్లింప్స్ ఔట్ ఆఫ్ ద వరల్డ్.. తాను చూసిన పీకే ట్రైలర్‌లలో ఇది ది బెస్ట్. సుజిత్ నువ్వు కుమ్మేశావ్..’ అంటూ ట్వీట్‌లో రాసుకొచ్చారు. ఇక ఓజీ ఫస్ట్ గ్లింప్స్ విడుదలపై 3 గంటల్లోనే 2.1 మిలియన్ వ్యూస్ సొంతం చేసుకుని యూట్యూబ్‌ని షేక్ చేస్తోంది.