Manchu Vishnu: తనే నా సోదరుడు, బెస్ట్ ఫ్రెండ్.. మంచు విష్ణు ఇంట్రెస్టింగ్ పోస్ట్
దిశ, సినిమా: టాలీవుడ్ హీరో మంచు విష్ణు పూర్తి ఫోకస్‌ను ఆయన డ్రీమ్ ప్రాజెక్ట్ ‘కన్నప్ప’ సినిమాపై పెట్టాడు. తెలుగు సినిమా స్థాయిని పెంచాలనే ప్రయత్నంలో దీనిని ప్రతిష్టాత్మకంగా తెరకెక్కిస్తున్నాడు. అయితే ఈ చిత్రాన్ని మోహన్ బాబు అవా ఎంటర్‌టైన్మెంట్స్, 24 ఫ్రేమ్స్ బ్యానర్‌పై భారీ బడ్జెట్‌తో నిర్మిస్తున్నారు. బిగ్గెస్ట్ పాన్ ఇండియా మూవీగా రాబోతున్న ఈ సినిమాలో ప్రభాస్, అక్షయ్ కుమార్, మోహన్ బాబు, మోహన్ లాల్, శరత్ కుమార్, బ్రహ్మానందం, మధుబాల, దేవరాజ్, అవ్రామ్ కీలక పాత్రల్లో నటిస్తున్నారు.
ఇప్పటికే పలు పోస్టర్లు విడుదలై కన్నప్ప సినిమాపై అంచనాలను రెట్టింపు చేశాయి. అయితే డిసెంబర్‌లో ఈ మూవీ విడుదల కాబోతుంది. ఇప్పటికే మేకర్స్ ప్రమోషన్స్ మొదలెట్టి ప్రతి సోమవారం కన్నప్పకు సంబంధించిన ఏదో ఒక అప్డేట్‌ను విడుదల చేస్తున్నారు. ఈ క్రమంలో.. తాజాగా, మంచు విష్ణు స్పెషల్ ఫ్రెండ్‌ను పరిచయం చేస్తూ ఇన్‌స్టాగ్రామ్ వేదికగా ఓ ఆసక్తికర పోస్ట్ పెట్టాడు.
కన్నప్పలో మంచు విష్ణు క్యారెక్టర్ కోసం ఉపయోగించిన గుర్రం ఫొటో షేర్ చేస్తూ.. ‘‘టిక్కీని కలవండి. కన్నప్పలో తనే నా సోదరుడు, నా బెస్ట్ ఫ్రెండ్. నిజ జీవితంలో తను ఒక అద్భుతమైన గుర్రం. మునుపెన్నడూ చేయని స్టంట్స్‌ను నాతో చేయించింది’’ అనే క్యాప్షన్ జత చేశాడు. ప్రజెంట్ మంచు విష్ణు పోస్ట్ సోషల్ మీడియాలో వైరల్ అవుతుండగా.. దీనిపై నెటిజన్లు పలు రకాలుగా కామెంట్లు పెడుతున్నారు.
- Tags
- Manchu Vishnu
