ప్రభాస్ ‘స్పిరిట్’ నుంచి అదిరిపోయే అప్డేట్ ఇచ్చిన సందీప్ రెడ్డి వంగా.. ఖుషీలో ఫ్యాన్స్
దిశ, సినిమా: డైరెక్టర్ సందీప్ రెడ్డి వంగా ఇటీవల యానిమల్ మూవీతో ఎంతలా పాపులారిటీ దక్కించుకున్నాడో ప్రత్యేకంగా చెప్పాల్సిన పని లేదు. ఈ సినిమా గత ఏడాది విడుదలై భారీ విజయాన్ని సాధించింది. అయితే ఈ సినిమా విషయంలో ఎక్కువగా సందీప్ విమర్శలను ఎదుర్కొన్నాడు. ఇదిలా ఉంటే.. ఇప్పుడు సందీప్ రెడ్డి వంగా పాన్ ఇండియా స్టార్ ప్రభాస్ కాంబినేషన్‌లో ‘స్పిరట్’ సినిమా రాబోతున్న విషయం తెలిసిందే. షూటింగ్ మొదలవ్వకపోయినా టైటిల్‌ను మాత్రం ప్రకటించారు. ఇక ఈ సినిమా నుంచి ఎలాంటి అప్డేట్ రాలేదు. కానీ సోషల్ మీడియాలో మాత్రం దీనికి సంబంధించిన పలు వార్తలు నెట్టింట వైరల్ అవుతూనే ఉన్నాయి.
ఈ క్రమంలో.. తాజాగా, ఓ సినిమా టీజర్ లాంచ్ ఈవెంట్‌లో పాల్గొన్న సందీప్ ‘స్పిరిట్’ సినిమా గురించి ఆసక్తికర కామెంట్స్ చేశాడు. ‘‘ ఇప్పుడు నేను ప్రభాస్ హీరోగా తెరకెక్కనున్న స్పిరిట్ సిపిమా పనుల్లో బిజీగా ఉన్నాను. అందరూ అనుకుంటున్నట్లుగా ఇది హారర్ మూవీ కాదు. ఓ నిజాయితీ గల పోలీస్ ఆఫీసర్‌గా డార్లింగ్ కనిపించబోతున్నాడు. ప్రస్తుతం ప్రీ ప్రొడక్షన్ పనులు వేగంగా జరుగుతున్నాయి. ప్రస్తుతానికి ఈ అప్డేట్ వరకే చెప్పగలను’’ అంటూ చెప్పుకొచ్చాడు. సందీప్ రెడ్డి వంగా కామెంట్స్ నెట్టింట చక్కర్లు కొడుతున్నాయి. దీంతో ఈ విషయం తెలుసుకున్న ప్రభాస్ ఫ్యాన్స్ ఆనందానికి అవధులు లేకుండా పోయాయి. డార్లింగ్‌ను పోలీస్ గెటప్‌లో చూడాలని తెగ ముచ్చటపడుతున్నారు. అంతేకాకుండా తొందరగా షూటింగ్ పూర్తి చేసి సినిమా అప్డేట్స్ రిలీజ్ చేయాలని కోరుతున్నారు.
Read More..
