Director Nag Ashwin : హీరో శ్రీకాంత్ కొడుకు కోసం రంగంలోకి డైరెక్టర్ నాగ్ అశ్విన్.. పోస్టర్‌తో హైప్
దిశ, సినిమా: సీనియర్ హీరో శ్రీకాంత్ కొడుకు.. యంగ్ హీరో రోషన్ తాజా చిత్రం ‘ఛాంపియన్’. స్వప్న సినిమాస్, ఆనంది ఆర్ట్ క్రియేషన్స్, కాన్సెప్ట్ ఫిల్మ్‌ల బ్యానర్‌లు సంయుక్తంగా నిర్మించనున్న ఈ సినిమాకు నేషనల్ అవార్డ్ విన్నింగ్ డైరెక్టర్ ప్రదీప్ అద్వైతం దర్శకత్వం వహిస్తున్నాడు. పీరియాడికల్ బ్యాక్‌డ్రాప్ మూవీగా తెరకెక్కుతున్న ఈ సినిమా నుంచి ఇప్పటికే రిలీజ్ చేసిన రోషన్ ఫస్ట్ లుక్ పోస్టర్ ఆసక్తికరంగా ఆకట్టుకుంది.
ఇక శనివారం పూజా కార్యక్రమాలతో ఘనంగా ప్రారంభమైన ఈ సినిమా రెగ్యులర్ షూటింగ్‌కు కల్కి 2898 AD ఎపిక్ బ్లాక్‌బస్టర్‌ను అందించిన విజనరీ నాగ్ అశ్విన్ ఫస్ట్ షాట్‌కు క్లాప్‌ ఇచ్చారు. రోషన్‌ని కొత్త అవతార్‌లో ప్రెజెంట్ చేయడానికి దర్శకుడు ప్రదీప్ అద్వైతం యూనిక్ స్క్రిప్ట్‌ను సిద్ధం చేశారు. సినిమాలో డైనమిక్ రోల్ పోషిస్తున్న రోషన్ సినిమా కోసం కంప్లీట్ మేకోవర్‌ అయ్యాడని తెలుస్తుండగా.. ఫస్ట్ లుక్ పోస్టర్‌లో చరిస్మాటిక్‌గా కనిపించాడు. కాగా.. ఈ సినిమాకు సంబంధించిన ఇతర నటీనటులు, సాంకేతిక నిపుణుల వివరాలు మేకర్స్ త్వరలోనే తెలియజేస్తారు.
