Mahesh Babu: ఆ సినిమా చేయడం నా ఖర్మ అంటూ షాకింగ్ కామెంట్స్ చేసిన మహేష్ బాబు

దిశ,వెబ్ డెస్క్: ఒక కథను అంచనా వేయడం అంత సులువు కాదు. దర్శకుల టాలెంట్, స్క్రిప్ట్ ని అంచనా వేయగలిగిన హీరోనే పరిశ్రమలో ఉంటాడు. కథ బాగుండి హీరో సినిమా చేసినా కొన్ని హిట్ అవ్వవు. కృష్ణ వారసుడిగా పరిశ్రమలో అడుగుపెట్టిన మహేష్ బాబు… కెరీర్లో అనేక సూపర్ హిట్స్, బ్లాక్ బస్టర్స్, ఇండస్ట్రీ హిట్స్ ఉన్నాయి. ఆచి తూచి సినిమాలు చేసే ఈ హీరో చిన్న తప్పిదం వల్ల మహేష్ బాబు కెరియర్లో విమర్శలు ఎదుర్కొన్నాడు.

శ్రీకాంత్ అడ్డాల దర్శకత్వం వహించిన మల్టీస్టారర్ మూవీ సీతమ్మ వాకిట్లో సిరిమల్లె చెట్టు సూపర్ హిట్ అయింది. వెంకీ-మహేష్ అన్నదమ్ములుగా అదరగొట్టారు. ఒక సూపర్ హిట్ అందించాడని ఇంకో సినిమాకి కమిట్ అయి బ్రహ్మోత్సవం సినిమా చేసాడు. ఈ మూవీ మహేష్ కెరియర్లో డిజాస్టర్ గా నిలిచింది. శ్రీకాంత్ అడ్డాల నుండి ఇలాంటి సినిమాని మేము అసలు ఊహించలేదంటూ, మహేష్ బాబును యాంటీ ఫ్యాన్స్ దారుణంగా ట్రోల్ చేశారు. కాగా మహేష్ బాబు కూడా ఈ మూవీ ఫలితంపై తీవ్ర అసంతృప్తి వ్యక్తం చేశాడట. గతంలో ఇచ్చిన ఓ ఇంటర్వ్యూ లో బ్రహ్మోత్సవం మూవీ చేయడం నా ఖర్మ అంటూ మహేష్ బాబు షాకింగ్ కామెంట్స్ చేసాడు. ప్రస్తుతం ఈ కామెంట్స్ నెట్టింట వైరల్ అవుతున్నాయి.