Kannappa: ‘కన్నప్ప’ నుంచి ‘చండుడు’ పోస్టర్ రిలీజ్.. అంచనాలు పెంచేస్తున్న లుక్!
దిశ, సినిమా: మంచు విష్ణు డ్రీమ్ ప్రాజెక్ట్ ‘కన్నప్ప’. అత్యంత ప్రతిష్టాత్మకంగా తెరకెక్కుతున్న ఈ సినిమాకు ముఖేశ్ కుమార్ సింగ్ దర్శకత్వం వహిస్తున్నాడు. మంచు మోహన్‌బాబు నిర్మిస్తున్న ఈ చిత్రంలో.. మోహన్ లాల్, ప్రభాస్, బ్రహ్మానందం, బాలీవుడ్ స్టార్ హీరో అక్షయ్ కుమార్ వంటి స్టార్స్ ముఖ్య పాత్రల్లో నటిస్తున్నారు. అయితే ‘కన్నప్ప’ నుంచి ప్రతీ సోమవారం ఒక అప్డేట్ వస్తుందని ఇటీవల ప్రకటించిన విషయం తెలిసిందే. చెప్పినట్టుగానే విష్ణు ప్రతీ సోమవారం ‘కన్నప్ప’లోని విభిన్న పాత్రలను పోషించిన దిగ్గజ నటీనటుల పోస్టర్‌లను రిలీజ్ చేస్తూ.. ఫ్యాన్స్‌లో, ప్రేక్షకుల్లో క్యూరియాసిటీ పెంచేస్తున్నారు.
ఈ క్రమంలోనే ఇప్పటి వరకు మధుబాల, శరత్ కుమార్, దేవరాజ్ పాత్రలకు సంబంధించిన పోస్టర్‌లను రిలీజ్ చేయగా.. తాజాగా మరో క్యారెక్టర్ రివీల్ చేశాడు. ఈ చిత్రంలో నటుడు సంపత్‌కు పాత్రకు సంబంధించిన ఫస్ట్ లుక్ పోస్టర్‌ను రిలీజ్ చేశారు. ‘అడివినే భయాభ్రాంతుల్ని చేసే భీకర జాతి.. నల్ల కనుమ నేలలో పుట్టారు.. మొసళ్ల మడుగు నీరు తాగి పెరిగారు.. భిల్ల జాతి అధినేత చండుడు’ అంటూ భీకరమైన పోస్టర్‌ను రిలీజ్ చేశారు. నటుడు సంపత్ ఈ కారెక్టర్‌లో అందరినీ మెప్పించేలా కనిపిస్తున్నారు. కాగా.. ఈ పాన్ ఇండియా ప్రాజెక్ట్ షూటింగ్ చివరి దశకు చేరుకోగా.. త్వరలోనే పూర్తి చేసి ప్రమోషన్ కార్యక్రమాలను పెంచనున్నారు.
Read More..
Kanguva: మెస్మరైజింగ్ మేకింగ్‌తో 'కంగువ' ట్రైలర్.. హైలైట్‌గా సూర్య యాక్షన్
