బాబీ - మెగాస్టార్ కాంబినేషన్‌.. 'వాల్తేరు వీరయ్య' ఫిక్స్

దిశ, సినిమా : మెగాస్టార్ చిరంజీవి నటించిన 'ఆచార్య' మూవీ ప్రేక్షకుల్లో అసంతృప్తిని మిగిల్చిందనే చెప్పాలి. అయితే ఈ సినిమా ఫలితాన్ని పక్కనబెట్టిన చిరు.. తన తదుపరి చిత్రాలపై దృష్టిసారించారు. ఈ మేరకు ఆయన చేతిలో ప్రస్తుతం రెండు చిత్రాలు ఉండగా.. తాజాగా మరో చిత్రానికి సంబంధించిన టైటిల్‌ ప్రకటించారు. దర్శకుడు మోహన్ రాజా తెరకెక్కిస్తున్న 'గాడ్‌ఫాదర్', మెహర్ రమేష్‌తో 'భోళాశంకర్'తో పాటు బాబీ డైరెక్ట్ చేస్తున్న 'వాల్తేరు వీరయ్య' చిత్రంతో ముందుకు రాబోతున్నాడు మోగాస్టార్. ఈ చిత్రం అవుట్ అండ్ అవుట్ మాస్ ఎంటర్‌టైనర్‌గా తెరకెక్కుతున్నట్లు సమాచారం. గతంలో చిరు నటించిన 'ముఠామేస్త్రీ' తరహాలో ఉండబోతుందని, ఇందుకు సంబంధించిన కొత్త షెడ్యూల్ త్వరలోనే మలేషియాలో మొదలు కాబోతుందని గుసగుసలు వినిపిస్తున్నాయి.