Committee Kurrollu OTT: ఓటీటీలోకి బ్లాక్ బస్టర్ హిట్ కమిటీ కుర్రోళ్లు సినిమా.. స్ట్రీమింగ్ ఎందులోనంటే?
దిశ, సినిమా: మెగా డాటర్ నిహారిక నిర్మించిన మూవీ ‘కమిటీ కుర్రోళ్లు’. ఇందులో కొత్త నటీనటులు నటించగా.. యదు వంశీ దర్శకత్వం వహించాడు. అయితే తక్కువ బడ్జెత్‌తో తెరకెక్కిన ఈ సినిమా ఆగస్టు 9న విడుదలై బ్లాక్ బస్టర్ హిట్‌ను సొంతం చేసుకుంది. ఈ చిత్రంలో మొత్తం 11 మంది హీరోలు సందీప్ సరోజ్, యశ్వంత్ పెండ్యాల, ప్రసాద్ బెహరా, ఈశ్వర్ రాచిరాజు, త్రినాథ్ వర్మ, మణికంఠ పరసు, లోకేశ్ కుమార్ పరిమి, శ్యామ్ కల్యాణ్, అక్షయ్ శ్రీనివాస్, టీనా శ్రావ్య, శివకుమార్, తేజస్వి రావ్, విశిక నటించారు.
కామెడీతో పాటు 1990ల జ్ఞాపకాలను గుర్తు చేయడం, స్నేహితుల మధ్య బంధం, గోదావరి పల్లె వాతావరణాన్ని ఆకట్టుకునేలా చూపించడంతో ఈ సినిమా ప్రేక్షకులను విపరీతంగా ఆకట్టుకుంది. అంతేకాకుండా కమిటీ కుర్రోళ్లు భారీ కలెక్షన్స్ రాబట్టింది. అలాగే టాలీవుడ్ స్టార్ హీరోల ప్రశంసలు అందుకుంది. దీంతో ఈ సినిమా ఎప్పుడెప్పుడు వస్తుంది అని సినీ ప్రియులు ఎంతో ఆసక్తిగా ఎదురుచూస్తున్నారు. తాజాగా, కమిటీ కుర్రోళ్లు ఓటీటీ పార్ట్‌నర్ ఫిక్స్ అయినట్లు అధికారిక ప్రకటన విడుదలైంది. ఈ మూవీ ఓటీటీ హక్కులను ప్రముఖ సంస్థ ఈటీవీ విన్ సొంతం చేసుకుంది.
ఈ విషయాన్ని ఇన్‌స్టాగ్రామ్ వేదికగా వెల్లడిస్తూ.. ‘‘ఈ 11 మంది కొత్త కమిటీ కుర్రోళ్లు సెప్టెంబర్ లోనే రాబోతున్నారు. మన కమిటీ కుర్రోళ్లు బయదెల్లిపోయేరు’’ అనే క్యాప్షన్ జత చేశారు. కానీ డేట్‌ను వెల్లడించలేదు. అయితే సెప్టెంబర్ వినాయక చవితి పండుగకు రాబోతున్నట్లు సమాచారం. దీంతో ఈ విషయం తెలుసుకున్న సినీ ప్రియుల ఆనందానికి అవధులు లేకుండా పోయాయి. నిర్మాతగా నిహారిక చేసిన మూవీ చూడాలని చాలామంది ఎదురుచూస్తున్నారు.
