Anushka Shetty: తమన్‌కు ప్రతి ఏడాది స్పెషల్ గిఫ్ట్ పంపుతున్న స్టార్ హీరోయిన్.. కారణం ఏంటంటే?
దిశ, సినిమా: ఏదైనా సినిమా హిట్ అయితే డైరెక్టర్, హీరోకి, హీరోయిన్, నిర్మాతలకు గిఫ్టులు ఇవ్వడం కామన్. కానీ ఓ టాలీవుడ్ స్టార్ హీరోయిన్ ప్రతి ఏడాది మ్యూజిక్ డైరెక్టర్‌కు గిఫ్ట్ పంపుతుందట. దానికి కారణం అతనికి ఆమె మాట ఇవ్వడం వల్ల ప్రతి ఏటా సెప్టెంబర్ నెలలో బహుమతిని పంపుతున్నట్లు సమాచారం. అసలు ఆ హీరోయిన్ ఎవరో ఇక్కడ తెలుసుకుందాం.
టాలీవుడ్ స్టార్ హీరోయిన్ అనుష్క శెట్టి నటించిన భాగమతి హిట్ అయితే ప్రతి ఏడాది గిఫ్ట్ పంపుతానని తమన్‌కు మాట ఇచ్చిందట. ఇక అప్పటి నుంచి ఆమె ఆయనకు లేటెస్ట్ మోడల్ ఐఫోన్‌ను గిఫ్ట్‌గా పంపిస్తుందని తమన్ ఓ షోలో చెప్పాడు. ‘‘అనుష్క శెట్టి హీరోయిన్ అని చెప్పట్లేను ఆమె అంటే నాకు చాలా ఇష్టం. తన మనసు బంగారం, అందం గురించి పక్కన పెడితే ఎంతో మంచి వ్యక్తి. నాకు ఇచ్చిన మాట ప్రకారం అనుష్క నుంచి ప్రతి ఏడాది సెప్టెంబర్‌లో నాకు ఐఫోన్ పంపుతుంది.
ఇప్పుడు నేను వాడుతున్న ఫోన్ కూడా తను ఇచ్చిందే. దానికి కారణం ఏంటంటే.. భాగమతి షూటింగ్ సమయంలో నాకు ఐఫోన్ ఇష్టమని చెప్పాను. అలాగే మూవీ హిట్ అయితే ఇవ్వాలని చెప్పడంతో ఆమె ఇస్తానని ప్రామిస్ చేసింది. ఇక అప్పటి నుంచి యూవీ ఆఫీస్ నుంచి అనుష్క ద్వారా నా దగ్గరకు ఐఫోన్ వస్తుంది. అలాగే అనుష్క అంటే ఇష్టం తనే నా జీవితం. నేను ఇంతవరకు చూసిన బెస్ట్ హ్యుమన్’’ అని చెప్పుకొచ్చాడు. ప్రజెంట్ ఈ వీడియో వైరల్ కావడంతో ఆ షోలో ఉన్నవారంతా షాక్ అయ్యారు. ఇక ఇప్పుడు ఈ సంగతి తెలిసిన అనుష్క అభిమానులు ఆమెపై ప్రశంసలు కురిపిస్తున్నారు.
