టీమిండియా గేమ్ ఛేంజర్‌.. అనుష్క ఎమోషనల్ పోస్ట్ వైరల్
దిశ, సినిమా : బాలీవుడ్ స్టార్ నటి అనుష్క శర్మ.. భర్త విరాట్ కోహ్లీ ఆటపై ప్రశంసలు కురిపించింది. ఆదివారం హైదరాబాద్‌ వేదికగా ఆస్ట్రేలియాతో జరిగిన 3వ టీ20 మ్యాచ్‌లో విరాట్ అద్భుతమైన హాఫ్ సెంచరీతో టీమిండియా విజయంలో కీలక పాత్ర పోషించాడు. కాగా ఈ ఇన్నింగ్స్‌పై స్పందించిన అనుష్క.. విరాట్ బ్యూటిఫుల్ షాట్ ఆడుతున్న ఫొటోను నెట్టింట షేర్ చేస్తూ 'హార్ట్‌' ఎమోజీలను జోడించింది.
అంతేకాదు కోహ్లీ మెరుపు ఇన్నింగ్స్ చూడాలని తాను, టోటల్ ఫ్యామిలీ ఎగ్జయిట్‌గా ఎదురుచూసినట్లు తెలిపింది. దీంతో పాటు ఝులన్ గోస్వామి రిటైర్‌మెంట్ సందర్భంగా స్పెషల్ పోస్ట్ పంచుకున్న నటి.. 'గోస్వామి ఒక ఇన్‌స్పిరేషన్.. ఒక లెజెండ్.. రోల్ మోడల్. ఆమె పేరు చరిత్రలో చిరస్థాయిగా నిలిచిపోతుంది. టీమిండియా గేమ్ ఛేంజర్‌గా నిలిచినందుకు మీకు చాలా ధన్యవాదాలు' అంటూ పొగిడేసింది. ఇక బిడ్డకు జన్మనిచ్చిన తర్వాత కొంతకాలం సినిమాలకు బ్రేక్ ఇచ్చిన అనుష్క.. ప్రస్తుతం 'చక్దాఎక్స్‌ప్రెస్' చిత్రంతో రీఎంట్రీకి సిద్ధంగా ఉంది.
ALSO READ : రాహుల్ ద్రావిడ్ రికార్డ్ బద్దలు కొట్టిన కోహ్లీ.. ఇక నెక్ట్స్ అతడే..!
