Amala Paul : ఎట్టకేలకు కొడుకు ఫేస్ రివీల్ చేసిన అమలాపాల్..
దిశ, సినిమా: స్టార్ హీరోయిన్ అమలాపాల్ తెలుగులో అల్లు అర్జున్ ‘ఇద్దరమ్మాయిలు’ మూవీతో ఇండస్ట్రీకి పరిచయం అయింది. అలాగే ఈ అమ్మడు రామ్ చరణ్ సరసన కూడా ఓ మూవీ చేసి సూపర్ హిట్ తన ఖాతాలో వేసుకుంది. ఆ తర్వాత పలు చిత్రాల్లో నటించినప్పటికీ ఆఫర్లు రాకపోవడంతో తమిళం, మలయాళం సినిమాల్లో నటించి వరుస అవకాశాలు అందుకుంది.
కానీ కెరీర్ పీక్స్‌లో ఉండగానే ఈ అమ్మడు పెళ్లి చేసుకుంది. ఆ తర్వాత విడిపోవడంతో మళ్లీ సినిమాల్లోకి వచ్చింది. 2023లో ఆమె కేరళలో ప్రియుడు జగత్ దేశాయ్‌ని పెళ్లి చేసుకుంది. ఈ ఏడాది జూన్‌లో అమలా పాల్ పండంటి మగ బిడ్డకు జన్మనిచ్చింది. కానీ ఆ బాబు ఫేస్ మాత్రం రివీల్ చేయలేదు. సోషల్ మీడియాలో ఫుల్ యాక్టివ్‌గా ఉంటూ పలు పోస్ట్‌లు పెడుతూ నెట్టింట రచ్చ చేస్తోంది.
తాజాగా, సెప్టెంబర్ 15న ఓనం పండుగ కావడంతో కొన్ని అద్భుతమైన ఫొటోలు షేర్ చేసింది. నది మధ్యలోని పడవలో కూర్చొని భర్త, కొడుకుతో కలిసి ఫొటోలకి ఫోజులిచ్చింది. అయితే అందులో కొడుకు ముఖాన్ని చూపించేసింది. ప్రజెంట్ ఈ పిక్స్ నెట్టింట ట్రెండ్ అవుతుండగా.. అవి చూసిన వారంతా బాబు క్యూట్‌గా ఉన్నాడని కామెంట్లు పెడుతున్నారు.
