'అర్జున్ రెడ్డి'ని వదులుకుని ఇప్పటికీ బాధ పడుతున్నా.. హీరోయిన్

దిశ, సినిమా: టాలీవుడ్ స్టార్ హీరో విజయ్ దేవరకొండ 'అర్జున్ రెడ్డి' మూవీ బ్లాక్ బస్టర్ హిట్‌తో ఓవర్ నైట్ స్టార్ అయిపోయాడు. ప్రత్యేకంగా యూత్‌కు బాగా కనెక్ట్ అయ్యాడు. ఇక ఈ సినిమాలో హీరోయిన్‌గా నటించిన షాలిని కూడా ఇప్పుడు బాలీవుడ్‌లో సత్తా చాటే స్థాయికి చేరుకుంది. అయితే ఈ సినిమాలో కథానాయికగా ముందుగా పార్వతీ నాయర్‌ను ఎంచుకున్నట్లు ఓ ఇంటర్వ్యూలో తెలిపింది. ''అర్జున్ రెడ్డి' కథ విన్నప్పుడు రొమాన్స్ ఎక్కువగా ఉండడం వల్ల నో చెప్పాను. కానీ సినిమా చూశాక ఇది ఒక అందమైన ప్రేమ కథ అని అనిపించింది. నిజానికి ఏ రంగంలో అయినా అదృష్టం ఒకసారి తలుపు తడుతుంది. అప్పుడే దానిని సద్వినియోగం చేసుకోవాలి. కానీ నేను మిస్ చేసుకున్నా. ఇప్పటికీ బాధపడుతున్నా' అని చెప్పుకొచ్చింది పార్వతి.