Adipurush పోస్టర్ మళ్ళీ నిరాశే.. ఇక మారవా అంటూ డైరెక్టర్‌పై ట్రోలింగ్.. ట్రెండింగ్ లో Ram Charan
దిశ, వెబ్‌డెస్క్: యంగ్ రెబల్ స్టార్ ప్రభాస్ నటిస్తున్న ఆదిపురుష్ చిత్రంపై ఎలాంటి అంచనాలు ఉన్నాయో ప్రత్యేకంగా చెప్పనవసరం లేదు. రామాయణ గాధతో తెరకెక్కుతున్న ఈ చిత్రంపై అభిమానులకు ఎన్నో అంచనాలు ఉండేవి. కానీ టీజర్ విడుదలయ్యాక అంచనాలన్నీ తలక్రిందులు అయ్యాయి. శ్రీరామనవమి సందర్భంగా గురువారం చిత్ర యూనిట్ పోస్టర్ రిలీజ్ చేసిన సంగతి తెలిసిందే. టీజర్‌కి ఎలాంటి విమర్శలు ఎదురయ్యాయో పోస్టర్‌ని కూడా నెటిజన్లు అదే విధంగా ట్రోల్ చేస్తున్నారు. దర్శకుడు ఓం రౌత్ ఏదో చేయబోయే ఇంకేదో చేసినట్లు ఉన్నాడు. గ్రాఫిక్స్ మాయలో పడి రామాయణాన్ని, ఆ పాత్రలని కించపరిచారు అంటూ విమర్శలు ఎదుర్కొంటున్నాడు. ఈ ఏడాది సంక్రాంతికి విడుదల కావలసిన ఈ చిత్రం నెగిటివ్ ఇంపాక్ట్ కారణంగా జూన్‌కి వాయిదా పడింది. అప్పుడు కూడా వస్తుందో రాదో క్లారిటీ లేదు.
సీతారాములుగా ప్రభాస్, కృతి సనన్ పోస్టర్ లో కనిపిస్తున్నారు. అలాగే హనుమంతుడు, లక్ష్మణుడు కూడా ఉన్నారు. ముఖ్యంగా ప్రభాస్ రాముడి లుక్ ఏమాత్రం స్ట్రైకింగ్ గా లేదు. కాస్ట్యూమ్స్ దారుణంగా ఉన్నాయి అంటూ ఫ్యాన్స్ గగ్గోలు పెడుతున్నారు. రామాయణం, రాముడు, సీత అంటే ప్రేక్షకుల్లో ఒక ఇమేజ్, అంచనాలు ఉంటాయి. వాటికి భిన్నంగా పురాణాలతో ప్రయోగాలు చేస్తానంటే కుదరదు అని నెటిజన్లు ఓం రౌత్‌పై కోపాన్ని వ్యక్తం చేస్తున్నారు.
కొంతమంది ఫ్యాన్స్ ఏమో ఓం రౌత్ నీవు ఇక మారవా అంటూ దుమ్మెత్తి పోస్తున్నారు. ఈ విమర్శలకు కారణం అయిన టీజర్‌లో కూడా ఎక్కడా ఇది రామాయణం అనే భావన ఎక్కడ కూడా కనిపించదు. ఇక సైఫ్ అలీ ఖాన్ పోషిస్తున్న రావణుడి పాత్ర గురించి ఎంత తక్కువ మాట్లాడుకుంటే అంత మంచిది. రావణుడి లుక్ ఎవరో మాయలఫకీరుని చూసినట్లు ఉందని, టెర్రరిస్ట్ లుక్‌ల ఉందని అంటున్నారు.
ఈ నేపథ్యంలో మెగా పవర్ స్టార్ రాంచరణ్ ట్రెండింగ్‌గా మారారు. ఆర్ఆర్ఆర్ చిత్రంలో రాంచరణ్ పోషించింది రాముడి పాత్ర కాదు. రామరాజు పాత్ర. కానీ ఆడియన్స్ రాంచరణ్ శ్రీరాముడు అనేంతగా ఆ పాత్రని ఓన్ చేసుకున్నారు. ఆ విషయంలో రాజమౌళికి క్రెడిట్ ఇవ్వాలి. ఆదిపురుష్‌పై నెగిటివ్ ట్రెండ్ జరుగుతున్న వేళ రాంచరణ్ రామరాజు లుక్ వైరల్ అవుతోంది. రాంచరణ్ ఇలాంటి ఇతిహాసాల్లో నటిస్తే బావుంటుందని, రాముడిగా పర్ఫెక్ట్‌గా సెట్ అవుతాడని ఫ్యాన్స్ అంటున్నారు.
ఇవి కూడా చదవండి: Mallika video song from Shaakuntalam :‘శాకుంతలం’ నుంచి ‘మల్లికా మల్లికా’ సాంగ్
