Adipurush Review : వచ్చేసిన ‘ఆదిపురుష్’ రివ్యూ.. సినిమా హిట్టా.. ఫట్టా..? (వీడియో)
దిశ, వెబ్‌డెస్క్: పాన్ ఇండియా స్టార్ ప్రభాస్ హీరోగా.. డైరెక్టర్ ఓం రౌత్ దర్శకత్వంలో తెరకెక్కిన సినిమా ‘ఆదిపురుష్’. అత్యంత ప్రతిష్టాత్మకంగా రూపొందిన ఈ మూవీపై భారీ అంచనాలు నెలకొన్నాయి. ఇండియా వైడ్ 4 వేలకు పైగా స్క్రీన్స్‌లో భారీ స్థాయిలో ఈ సినిమా నేడు ప్రేక్షకుల ముందుకు వచ్చింది. ఇప్పటికే పలు చోట్ల బెనిఫిట్ షోలు సైతం పడిపోయాయి. అయితే ఇంటర్వెల్ వరకు వీక్షించిన ఆడియన్స్ ఫస్టాఫ్ బాగుందని చెబుతున్నారు. రాముడు వనవాసం సీన్లతో ఫస్టాఫ్ మొదలవుతుంది. బ్యాక్ గ్రౌండ్ మ్యూజిక్, VFX, 3D సీన్లు ఆకట్టుకుంటాయి. రాముడిగా ప్రభాస్ సినిమాకు పెద్ద ప్లస్. హనుమంతుడి ఎపిసోడ్ ఎమోషనల్‌గా కనెక్ట్ అవుతుంది.
ఇక సెకండాఫ్ విషయానికి వస్తే.. కొంచెం లెంత్ ఎక్కువ కావడంతో బోర్ కొడుతుందని ప్రేక్షకులు అభిప్రాయ పడుతున్నారు. అయితే సినిమాలో VFX, 3D సీన్లు ఆకట్టుకుంటున్నప్పటికీ కొన్ని చోట్లా కుదరలేదని అంటున్నారు. ఇక భారీ సెట్టింగులు చూస్తే భారత ఇతిహాసానికి హాలీవుడ్ హంగులద్దినట్లు ఉందని పేర్కొంటున్నారు. ఓవరల్‌గా రాముడిగా ప్రభాస్ యాక్షన్ బాగుందని కొందరు అంటుంటే.. మరికొందరు మాత్రం ఏదో వీడియో గేమ్ ఆడినట్లుగా ఉందని అభిప్రాయపడుతున్నారు. కాగా.. సినిమా ఎలా ఉంది అనేది ప్రతి ఒక్కరు థియేటర్లలో చూసి మీ అభిప్రాయాలు కూడా తెలియజేయండి.
