ప్రభాస్ ఫ్యాన్స్‌కు పూనకాలే.. ఈ రేంజ్ వెల్‌కమ్‌‌ను అస్సలు ఊహించి ఉండరు (వీడియో)
దిశ, వెబ్‌డెస్క్: పాన్ ఇండియా స్టార్ ప్రభాస్ క్రేజ్ గురించి ప్రత్యేకంగా చెప్పాల్సిన పనిలేదు. నెగిటివ్‌ టాక్‌లోనూ ఆదిపురుష్ 450 కోట్లకు పైగా కలెక్షన్లు సాధించిందంటే ప్రభాస్ రేంజ్ ఏంటో తెలిసిపోతుంది. ప్రస్తుతం నాగ్ అశ్విన్ దర్శకత్వంలో ప్రభాస్ కల్కీ అనే సినిమా చేస్తున్నాడు. వైజయంతీ మూవీ బ్యానర్‌పై అశ్వినీదత్ నిర్మిస్తున్నారు. తాజాగా.. ఈ చిత్ర గ్లింప్స్ అండ్ టైటిల్‌ను అమెరికాలో గ్రాండ్‌గా విడుదల చేశారు. ఈ సందర్భంగా ప్రభాస్‌కు అమెరికా ఫ్యాన్స్‌కు ఊహించని రేంజ్‌లో వెల్‌కమ్ చెప్పారు. ఏకంగా జెట్ విమానానికి పోస్టర్‌ను కట్టి స్వాగతం చెప్పారు. దీన్ని అక్కడి ఇండియన్స్‌తో పాటు స్థానికులు కూడా ఆసక్తిగా తిలకిస్తూ తమ కెమెరాల్లో బంధించారు. ప్రస్తుతం దీనికి సంబంధించిన వీడియో సోషల్ మీడియాలో వైరల్‌గా మారింది. ‘ఇది ప్రభాస్ రేంజ్’ అంటూ ఫ్యాన్స్‌ కామెంట్స్ చేస్తున్నారు.
