బెడ్‌పై మడోన్నా బోల్డ్ విన్యాసాలు.. దారుణంగా అవమానించిన రాపర్
దిశ, సినిమా: ప్రముఖ రాపర్ 50 సెంట్.. స్టార్ సింగర్ మడోన్నాను అపహాస్యం చేశాడు. ఇటీవలే ఆమెపై చేసిన కాంట్రవర్సీ కామెంట్స్‌కు క్షమాపణలు చెప్పిన తను.. మరోసారి మడోన్నాను అవమానించే ప్రయత్నం చేశాడు. విషయానికొస్తే.. సోషల్ మీడియాలో యాక్టివ్‌గా ఉండే మడోన్నా ఇటీవల బ్లాక్ బాడీ సూట్, మ్యాచింగ్ బ్లౌజ్ ధరించి బెడ్‌పై దిగిన హాట్ స్టిల్స్‌‌ను నెట్టింట పోస్ట్ చేసింది. అవి వైరల్ కావడంతో స్పందించిన సెంట్.. మడోన్నా ఫొటోలకు ఏలియన్స్ ముఖాన్ని జతచేస్తూ తన ఇన్‌స్టాలో పోస్ట్ చేశాడు.
అంతేకాదు ఆ చిత్రాలను చూసి మనస్తాపం చెందానన్న సెంట్.. ఇంద్రియాలకు సంబంధించిన ఫొటోలు తీయకూడదంటూ మడోన్నాను ఉద్ధేశిస్తూ 'చిల్ అవుట్' అని సూచించాడు. అంతటితో ఆగకుండా 'ఈ చిత్రాలను తీసేలా ఆమె తన పిల్లలను మోటివేట్ చేయలేదని ఆశిస్తున్నాను. 63 ఏళ్ల వయసులో ఇదంతా మానేసి ఆమెను ప్రశాంతంగా ఉండమని ఎవరైనా చెప్పండి' అంటూ నోట్ షేర్ చేశాడు. ప్రస్తుతం ఈ పోస్ట్ వైరల్ అవుతోంది. ఇదిలా ఉంటే మొదటిసారి క్షమాణలపై స్పందించిన మడోన్నా.. 'నంబర్ వన్.. మీరు దేనికి క్షమాపణలు చెబుతున్నారో దానిపై స్పష్టత లేకపోతే క్షమాపణ చెల్లదు. నెంబర్ టూ.. 'మీరు క్షమాపణలు చెప్పాల్సింది స్త్రీ ద్వేషం, సెక్సిస్ట్, వయో సంబంధమైన ప్రవర్తనపై వ్యాఖ్యలు చేసినందుకు మాత్రమే' అంటూ రియాక్ట్ అయింది.
